Papunësia në SHBA rritet në 770 mijë persona brenda një jave

Numri i amerikanëve që kërkojnë përfitime pas largimit nga puna gjatë javës së kaluar është rritur në 770 mijë, gjë që papunësia vazhdon të mbetet e lartë edhe pse ekonomia po rikthehet nga pasojat e pandemisë COVID-19.

Raporti i Departamentit të Punës tregoi se numri u rrit dukshëm nga 725 mijë që ishte një javë më parë, përcjell Telegrafi.

Shifrat kanë rënë ndjeshëm që recesioni ekonomik i pranverës së kaluar, por ende tregojnë se punëdhënësit në disa industri vazhdojnë t’i largojnë punëtorët nga puna.

Që nga shfaqja e pandemisë, kërkesat për ndihmë nuk kishte arritur kurrë 700 të papunë brenda një jave.

Me përshpejtimin e dhënies së vaksinave, shpresat janë në rritje që amerikanët do të fillojnë të udhëtojnë, të blejnë dhe të ushqehen jashtë pas një viti pas mbylljes nga pandemia.

Paketa e ndihmës financiare prej 1.9 trilion dollarësh e nënshkruar nga presidenti Joe Biden pritet t’i hapë 7 milionë vende pune.

Sipas Biden, çeku prej 1,400 dollarë do t’u jepet personave në kuadër të paketës së ndihmës ekonomike që nga fundi i kësaj jave. /Telegrafi/