Ekonomia franceze pritet të tkurret 11 për qind këtë vit, një shifër më e keqe se vlerësimet e mëparshme për një rënie prej tetë për qind.

Kështu tha të ministri i Financave, Bruno Le Maire.

"Pasojat nga Coronavirusi janë shumë të këqija", tha Le Maire për RTL.

Franca ka lehtësuar masat e izolimit kundër pandemisë, duke lejuar hapjen e restoranteve, bareve si dhe bizneseve tjera.

Por në Paris, ku Coronavirusi mbetet më aktiv se në pjesën tjetër të territorit të Francës, kafenetë, baret dhe restorantet do të kufizohen në ushtrimin e aktivitetit vetëm në hapësirat e jashtme.

“Francezët përsëri mund të jetojnë një jetë e cila është thuajse normale, tha kryeministri francez, Edouard Philippe, ndërsa njoftoi për lehtësimin e masave.

Masat e izolimit në Francë u vendosën më 17 mars pasi filloi rritja e numrit të pacientëve me COVID-19.

Sipas të dhënave të Universitetit John Hopkins, deri më tani në Francë janë regjistruar 189,348 të infektuar me Coronavirus, prej tyre 28,836 kanë vdekur. /REL/

BotëEkonomi