Koalicioni PAN (Partia Demokratike e Kosovës, Aleanca për Ardhmërinë e Kosovës dhe Nisma) si fitues në zgjedhjet e 11 qershorit, në disa raste ka paralajmëruar se do ta ketë LDK-në pjesë të koalicionit të ardhshëm. Po ashtu, edhe Lëvizja Vetëvendosje, si subjekti që ka dalë në vendin e dytë nga zgjedhjet, pret rastin ta formojë Qeverinë nëse koalicioni PAN dështon. VV ka paralajmëruar se koalicionin mund ta formojë me LDK-në. Por, zyrtarët e LDK-së thanë tash për tash nuk ka interesim që të hyhet në koalicione.
Agim Veliu, nënkryetari i Lidhjes Demokratike të Kosovës shprehet se janë duke pritur që partitë që kanë marrë numër më të madh të votave ta formojnë Qeverinë në bashkëpunim me pakicat.
“Ata i kanë numrat. Po presim që PAN-i, bashkë me Vetëvendosjen edhe me Listën Serbe dhe me pakicat tjetra ta formojnë Qeverinë. Këta janë ata që e kanë rrëzuar Qeverinë. Këta janë ata që janë bërë bashkë dhe po presim ta formojnë Qeverinë. Neve nuk na jepet ajo mundësi”, tha Veliu. “Unë jam ithtar i asaj që ne më mirë është të mbesim në opozitë sesa të hyjmë në variante që nuk janë të favorshme për LDK-në”!
Por, nga koalicioni PAN, përkatësisht nga Aleanca për Ardhmërinë e Kosovës si pjesë e këtij koalicioni, thonë se llogarisin edhe në koalicionin me LDK-në. Pal Lekaj, nënkryetar i Aleancës për Ardhmërinë e Kosovës, thotë se i “kanë votat” dhe se Haradinaj është i gatshëm të bashkëpunojë dhe të lidhë marrëveshje edhe me LDK-në, për të pasur një Qeveri më stabile dhe funksionale”.
Duke i komentuar deklaratat e zyrtarëve të LDK-së se nuk duan të hyjnë në koalicione me partitë që tashmë pretendojnë se do ta formojnë Qeverinë, Lekaj tha se në politike “nuk duhet të mbahen inate, por duhet të mendohet për interesat e vendit”.
Po ashtu, edhe Lëvizja Vetëvendosje pretendon se do ta formojë Qeverinë, duke besuar se koalicioni PAN nuk do t’ia dalë të sigurojë minimumin prej 61 votave në Kuvend. Lëvizja Vetëvendosje pret që ta ketë partner të koalicionit LDK-në bashkë me partitë e tjera që janë pjesë e saj.
“Ne besojmë që populli ka votuar për ndryshime. Lëvizja Vetëvendosje është bërë partia më e madhe, kurse PDK është dërguar në opozitë. Ne duhet të bëhemi bashkë që pas Kuvendit të ri të kemi edhe Qeveri të re. Duket që z. Veliu i ka ngatërruar gjërat, duke filluar fushatën për zgjedhjet lokale në Llap”, ka thënë Tinka Kurti nga zyra për media në Vetëvendosje.
Pas shpalljes së rezultateve përfundimtare të zgjedhjeve të parakohshme për Kuvendin e Republikës së Kosovës, të mbajtura më 11 qershor, nga Komisioni Qendror i Zgjedhjeve, përfaqësuesit e partive politike thonë se ende nuk kanë krijuar koalicione paszgjedhore për krijimin e Qeverisë së re të vendit. Formim i Qeverisë, kërkon minimumin prej 61 votave të deputetëve të Kuvendit të Kosovës. /REL/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
Ndalohet një shtetas i Kosovës në Maqedoni, kërkohej nga Interpoli
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë