Pamjet e fundit nga ‘Camp Nou’ shfaqin shqetësime të mëdha për Barcelonën

Pamjet e fundit nga rinovimi i stadiumit ‘Camp Nou’ i kanë dhënë një goditje të rëndë shpresave të Barcelonës për të luajtur atje sërish këtë sezon. 

Tifozët e Barcelonës mbeten të paqartë për situatën e stadiumit të tyre për pjesën e mbetur të sezonit pas disa vonesave. 

Ata janë të etur të rikthehen në ‘Spotify Camp Nou’, por duke marrë parasysh se ka pasur pengesa të shumta, nuk është aspak e sigurt se ata do të jenë në gjendje të rikthehen para qershorit, ani pse kanë marrë garanci nga kompanitë ndërtimore në krye të projektit. 

Qëndrimi në ‘Estadi Olimpic Lluis Company’ duket opsioni më i sigurt momentalisht dhe blaugranasit kanë të drejtë të qëndrojnë në atë stadium për pjesën e mbetur të sezonit 2024/2025. 

Sipas një përditësimi të ri na Mundo Deportivo, imazhet e gjendjes aktuale të ‘Camp Nou’ nuk tregojnë se është bërë ndonjë progres i madh. 

Këto foto brenda kantierit të ndërtimit tregojnë se një pjesë e tribunave ende nuk është ndërtuar, mungojnë themelet bazë dhe po punohet vetëm në strukturat e jashtme./Telegrafi/