Pamje të rrjedhura: Brenda morgut iranian të mbushur me kufoma, viktima të coronavirusit

Disa pamje të publikuara, të cilat thuhet se kanë rrjedhur, thuhet se tregojnë një korridor të një murgu në Iran, që thuhet se ishte i mbushur me kufomat e viktimave nga coronavirusi.

Pamjet, të cilat thuhet se janë filmuar në Qom, epiqendra e shpërthimit të coronavirusit në Iran, tregojnë mjekë në rroba speciale, shkruajnë mediat e huaja, përcjell Telegrafi.

Përkrah tyre, një numër nga ato që duket se janë kufoma, janë të shtrirë në karroca.

Dhe sipas gazetarit iranian Masih Alinejad, personi që filmonte skenat u arrestua ndërsa zyrtarët përpiqen “të fshehin numrin e vërtetë të vdekjeve”.

Videoja është titulluar me: “Këtu ata lajnë të vdekurit në Behesht Massoumeh, Qom”.

“Unë e filmova këtë të martën, 3 mars. Ata pastruan të gjitha kufomat në mëngjes, por vëllimi i punës është shumë i madh”.

Përshkrimi vazhdon: “Këta janë trupat e të gjithë njerëzve që vdiqën nga coronavirusi”.

Ndryshe, sipas mediave të huaja, numri i vdekjeve në Iran nga coronavirusi është më i lartë se çdo vend tjetër me raste të konfirmuara – përveç Kinës, ku filloi shpërthimi.

Kjo ka bërë që autoritetet të anulojnë disa lutje në Teheran – ndërsa disa adhurues janë filmuar duke vazhduar përkushtimet e tyre fetare.

Ndërsa çdo ditë në Iran, kamionë të mbushur me dezinfektues spërkasin rrugët, faltoret, parqet publike, koshat e plehrave, tualetet publike dhe tregjet në Qom, Teheran dhe zona të tjera që kanë pasur raste të infeksionit.

Njerëzit që jetojnë në zona të tilla kanë thënë se erë e dezinfektuesve është bërë një “makth”. /Telegrafi/