Pamje të rënda pas shpërthimit në një xhami të Afganistanit - incidenti shkaktoi vdekjen e disa personave

Një shpërthim i fuqishëm ka ndodhur në një xhami në qytetin verior afgan, Kunduz, gjatë lutjeve të së premtes, duke shkaktuar vdekjen e disa personave.

Pamjet e rënda të publikuara gjerësisht në rrjetet sociale që si duket tregojnë momentet pas shpërthimit, tregojnë personat e shtrirë në xhami, gjithashtu dhe dëmet në objekt.

Xhamia po frekuentohej nga komuniteti shiitë i myslimanëve.

Sipas BBC, numri i konfirmuar nga zyrtarët për numrin e viktimave është gjashtë, mirëpo kjo shifër thuhet të jetë më e lartë sipas raportimeve të tjera. /Telegrafi/