Pamje nga ajri që tregojnë se çfarë ka mbetur nga qyteti ukrainas Chasiv Yar

Associated Press ka arritur të sigurojë një video ekskluzive të filmuar nga droni, të asaj që ka mbetur nga qyteti Chasiv Yar në rajonin e Donetskut.

Ky qytet është nën sulme të vazhdueshme dhe rusët tentojnë ta marrin nën kontroll, transmeton Telegrafi.

Pamjet shfaqin Chasiv Yarin – ku fushat e gjelbra dhe malet tani ngjajnë me pamjet apokaliptike.

Masa e shkatërrimit është aq e madhe, sa që nuk ka mbetur pothuajse asgjë në të ngjashëm me Bakhmutin dhe Avdiivkan.

Lexo po ashtu Ukrainasit bombardojnë qendrën trajnuese të rusëve, e godasin me sistemin raketor amerikan ATACMS

Madje as një objekt nuk ka mbetur pa u shkatërruar qoftë plotësisht apo pjesërisht – e shtëpitë dhe zyrat e qytetit që dikur kishte 12 mijë banorë – tani janë rrënoja.

Më 14 prill, Oleksandr Syrskyi, komandanti i forcave ukrainase pati thënë se Rusia ka përqendruar përpjekjet e saj për ta thyer vijën mbrojtëse të ukrainasve në perëndim të Bakhmutit – me qëllim që ta fut nën kontroll Chasiv Yarin dhe të krijojë kushte më të favorshmer për avancim të mëtutjeshëm në Kramatorsk. /Telegrafi/

https://www.youtube.com/watch?v=hdfBaZQgOQM&ab_channel=AssociatedPress