LAJMI I FUNDIT:

“Paganini” shkodran dekorohet nga presidenti i Azerbaxhanit

“Paganini” shkodran dekorohet nga presidenti i Azerbaxhanit

Elvin Hoxha, muzikanti i talentuar shqiptar i cili jeton në Turqi, ka marrë një nderim të lartë nga presidenti i Azerbajxhanit, Ilham Aliyev.

Me rastin e 20-vjetorit të pavarësisë së këtij shteti, Aliyev ka nderuar një numër të madh personalitetesh. Ai i ka dhënë Hoxhës titullin “Artist i Merituar” i Azerbajxhanit, duke e vendosur në listën e njerëzve më të vlerësuar të vendit.


Dekorimi i një artisti me një dekoratë të lartë në moshën 20-vjeçare përbën një risi në historinë e Azerbajxhanit.

Elvin Hoxha ka nënën e tij nga ky vend, një muzikante gjithashtu e njohur që punon si instrumentiste në Filarmoninë e Ankarasë. Babai i Elvinit, Hajredin Hoxha, gjithashtu është një prej muzikantëve të Filarmonisë Kombëtare të Turqisë dhe njihet si një nga violonçelistët më të mirë të vendit.

Hajredin Hoxha është një artist nga Shkodra, por që prej shumë vitesh punon e jeton në Turqi. I biri i tij jep koncerte solo në skenat më të mëdha të botës.

Të gjitha mediat turke e botërore e cilësojnë Elvinin si “Paganini i kohëve të sotme”. /tesheshi/