P2P vendimi për suedezen

Edhe pse partia Pirate suedeze përmes deklaratës së presidentes së tyre Anna Troberg e quajti vendimin “tragjik”, 58-vjeçja e paemëruar e dënuar për shkak të ndarjes së 45,000 këngëve në krahasim me çiftin amerikan të gjykuar së voni mund të konsiderohet si njeri me fat të madh.

Kjo administratore e sistemit ishte duke u gjykuar që nga viti 2007 për shkak se duke përdorur klientët Direct Connect kishte ndarë më shumë se 45,000 këngë nëpër Internet gjë të cilën, natyrisht, nuk kishte të drejtë ta bënte. Mbrojtja u mundua të dëshmoj se e paditura nuk ishte e vetëdijshme se këngët përveç se shkarkoheshin në kompjuterin e saj ato gjithashtu shpërndaheshin nga ai më tutje, dëshmi kjo e cila duke pasur parasysh profesionin e të paditurës ishte e vështirë për të besuar nga gjykata.

Vendimi përfundimtar pas katër vitesh gjykim ishte se e paditura duhej paguar 16,000 kruna (rreth 1,700 euro) dhe shpenzimet e gjykimit. Edhe pse piratët suedez ishin të tmerruar, duhet rikujtuar se Jamie Thomas Rasset në SHBA për ndarjen e vetëm 24 këngëve fillimisht ishte dënuar në 1.92 milion dollarë, dënim ky i cili më vonë ishte ulur në 80,000 dollarë. /Telegrafi/