Në mbledhjen e sotme Qeveria e Kosovës miratoi propozim-vendimin për tërheqjen nga procedurat e shqyrtimit në Kuvend, të Projektligjit për ndryshimin dhe plotësimin e Ligjit për financimin e subjekteve.

Lidhur me këtë vendim deputeti i Kuvendit të Kosovës, Naser Osmani tha se kryeministri ka rënë në lajthitje pas deklaratave të shoqërisë civile.

“Unë besoj që kryeministri ka rënë në lajthitje, nuk ka tregu lidership të fuqishëm sepse ai duhet me kuptu që OJQ-të kanë punën e vet janë gjithmonë për me pas zë kritik por shteti i ka punët e veta”, tha Osmani në emisionin “Click” në RTV21.

Ai tutje përmendi arsyet, të cilat, sipas tij, i kanë shtyrë të tjerët, përfshirë edhe ambasadorët të kërkojnë tërheqjen e projektligjit për ndryshimin dhe plotësimin e ligjit për financimin e subjekteve.