LAJMI I FUNDIT:

Osmani: Çdo shtyrje e vendimit për hapjen e negociatave, krijon paparashikueshmëri politike

Osmani: Çdo shtyrje e vendimit për hapjen e negociatave, krijon paparashikueshmëri politike

Ministri i Punëve të Jashtme, Bujar Osmani, realizoi takim me Kryetarеn e Komisionit për Politikë të Jashtme të Kuvendit të Republikës së Shqipërisë, Mimi Kodheli, e shoqëruar nga një grup deputetësh të cilët po qëndrojnë për vizitë punë në Republikën e Maqedonisë së Veriut.

Osmani e shfrytëzoi këtë rast për ta uruar Republikën e Shqipërisë për zgjedhjen e saj të fundit si anëtare jo e përhershme e Këshillit të Sigurisë për periudhën 2022/23, duke potencuar rëndësinë e këtij suksesi diplomatik për gjithë rajonin.

“Kryesimi i ardhshëm i Maqedonisë së Veriut me OSBE-në në 2023, si dhe pjesëmarrja e Shqipërisë në punën e Këshillit të Sigurisë së KB-së, në të njëjtën kohë e vendosin rajonin e Ballkanit Perëndimor në qendër të aktiviteteve multilaterale në nivel botëror”, theksoi Osmani.

Në takim u bisedua edhe për aktivitetet dhe bashkëpunimin e të dy vendeve në kuadër të iniciativave të shumta, me çka u shpreh mbështetje edhe për platformën “Iniciativa 8” për bashkëpunim më të ngushtë ndërmjet tri vendeve përgjatë Korridorit 8, i cili lidh Detin Adriatik dhe Detin e Zi – Maqedoninë e Veriut, Shqipërinë dhe Bullgarinë.

Bashkëbiseduesit shprehën mbështetje të fuqishme të ndërsjellë për avancim në integrimet evropiane, duke shprehur gatishmërinë e të dy vendeve për fillimin e negociatave.

“Maqedonia e Veriut dhe Shqipëria kanë bërë hap serioz në drejtim të reformave të tyre të brendshme dhe afrimit institucional me BE-në, për të cilat është marrë vendim i merituar për fillim të negociatave për aderim. Çdo shtyrje e këtij vendimi krijon paparashikueshmëri politike e cila e rrezikon kredibilitetin evropian në rajon”, tha Osmani duke shprehur kënaqësi për mbështetjen e ndërsjellë të ambicieve evropiane.

Në trend Lajme

Më shumë
Një i vrarë dhe një i plagosur me armë zjarri në Prishtinë

Një i vrarë dhe një i plagosur me armë zjarri në Prishtinë

Kronika e Zezë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

Lajme
Syla: Kemi bashkëpunim me shtetet e NATO-s për blerjen e armatimit

Syla: Kemi bashkëpunim me shtetet e NATO-s për blerjen e armatimit

Siguri
U raportuan tri gropa në

U raportuan tri gropa në "Ndreqe.com", Komuna e Prishtinës intervenon në rregullimin e tyre

Prishtina
Kalo në kategori