Oppo po përgatit një telefon rrokullisës me një ekran 7 inç

Prodhuesit më të mëdhenj të smartphoneve janë duke punuar në lëvizjen e telefonave që do të dalin në treg këtë vit, dhe Oppo është mes tyre.

Xiaomi tashmë ka zbuluar Mi Mix Fold dhe mediat kineze shkruajnë se është radha e Oppo. Kjo kompani po përgatit një smartphone të palosshëm që do të ketë një panel palosës 7 inç nga brenda. Është një ekran LTPO, i cili në fakt është një panel OLED, por është më ekonomik. Kjo është pikërisht ajo që është thelbësore për pajisjet e tilla të vogla.

Oppo i ri pritet të jetë më i gjatë dhe më i gjerë se pajisjet Galaxy Z Flip dhe Moro Razr, dhe kjo mund ta lejojë atë të marrë një bateri midis 3,500 dhe 4,000 mAh, raporton gsmarena.

Pajisja do të ketë gjithashtu një ekran dytësor 2-inç nga jashtë që do të shfaqë njoftime dhe është e mundur që të ketë disa karakteristika që do ta bëjnë më të lehtë për të bërë foto selfie.

Ende nuk dihet se cili procesor do ta drejtojë, çfarë lloj kamerash do të ketë, ose kur saktësisht do të shfaqet. /Telegrafi/