Ofertuesit që duan ta blejnë Chelsean, u caktohet një kusht bazë për ta realizuar operacionin

Ofertuesit për Chelsean thuhet se do të duhet të garantojnë se nuk do ta shesin klubin për të paktën një dekadë.

Mandati 19-vjeçar i Roman Abramovich në Stamford Bridge po i vjen fundi me klubin që do të shitet në një marrëveshje me vlerë rreth 2.9 miliardë euro.

Një ofertues i preferuar për Blutë do të shpallet nga Raine Group, banka tregtare që trajton ankandin, në ditët në vijim.

Lexo po ashtu Të gjithë ofertuesit te Chelsea e duan Paul Mitchellin si drejtor sportiv

Sky News ka raportuar se Raine ka kontaktuar me tre ofertuesit e përzgjedhur në listën e ngushtë – Todd Boehly, Sir Martin Broughton dhe Steve Pagliuca – duke u kërkuar atyre të japin zotime se ata nuk do ta shesin klubin deri në vitin 2032.

Thuhet se grupeve ofertuese u është thënë se kërkesa 10-vjeçare do të zbatohej vetëm për palët kontrolluese në secilin konsorcium.

Kushdo që zëvendëson Abramovichin, do të jetë gjithashtu në gjendje të mbledhë para duke emetuar aksione shtesë për të siguruar fonde shtesë për klubin.

Çdo garanci do të përfshihej në kontratën e shitjes, duke e bërë të zbatueshëm ligjërisht qëndrimin dhjetëvjeçar.

Raporti thekson se angazhimi një dekadë ‘pasqyron një përpjekje për të siguruar stabilitet dhe vazhdimësi në Stamford Bridge’.

Pronari i Boston Celtics, Pagliuca dhe shefi i NBA-së, Larry Tanenbaum, janë  zotuar më parë për ‘pronësinë e përjetshme’ të Blues nëse oferta e tyre e përbashkët do të ishte e suksesshme.

Lexo po ashtu Largohet nga gara ofertuesi më serioz për blerjen e Chelseat

Pagliuca, i cili gjithashtu zotëron aksione në skuadrën e Serie A, Atalanta, tha: “Larry dhe unë jemi njohur për më shumë se 20 vjet dhe ne jemi të përkushtuar që kjo të jetë pronë e përjetshme. Është një angazhim afatgjatë që të dyja familjet duan ta zhvillojnë”.

Oferta e udhëhequr nga Broughton, ish-kryetari i British Airëays dhe Liverpool, do të përfshinte  Harris Blitzer Sports & Entertainment – pronar i një pjese të vogël të aksioneve në Crystal Palace dhe një numër skuadrash sportive amerikane.

Javën e kaluar u raportua se Lewis Hamilton dhe Serena Williams iu bashkuan betejës për të blerë Chelsean, secili duke u ofruar rreth 10 milionë euro për ofertën e shfaqur nga Broughton.

Lexo po ashtu Lewis Hamilton dhe Serena Williams investojnë tek njëri ofertues për të blerë Chelsean

Ndërkohë miliarderi amerikan Boehly konsiderohet si kandidati kryesor për të marrë drejtimin e Chelseat.

Ai është pronar i Eldridge, një kompani investimi, dhe gjithashtu bashkëpronar i LA Dodgers.

Boehly është pronar i një pjese të ekipit WNBA, Los Angeles Sparks, dhe pa një ofertë prej 2.5 miliardë eurosh për të blerë Chelsea të refuzuar nga Abramovich në vitin 2019. Ai është i prirur të zgjerojë portofolin e tij sportiv dhe së fundmi u tërhoq nga bisedimet për të blerë ekipin e futbollit Washington Spirit.

Ai gjithashtu mbështetet nga financa të mëdha. Clearlake Capital është i përfshirë në ofertë dhe ka 45 miliardë dollarë në asete. Miliarderi zviceran Hasnjorg Wyss, me vlerë 4.2 miliardë euro, është shfaqur gjithashtu si blerës i mundshëm. Ndërkohë, Jonathan Goldstein ka 8.1 miliardë euro asete.

Të tre ofertuesit mendohet se kanë treguar se do të paguanin mbi 2 miliardë euro për të blerë klubin, me një investim minimal prej 1 miliard euronë stadiumin, akademinë dhe ekipin e grave.

Chelsea u nxor në shitje më 2 mars, me pronarin Abramovich që konfirmoi lajmin në një deklaratë në faqen e internetit të klubit. /Telegrafi/