Tani, tre muaj të kaluara në vitin kalendarik 2018, është koha për të parë se cilët yje kanë kryer më të mirën në punën e tyre, duke bërë paraqitje të larta.
Observatori i njohur i futbollit CIES ka përpiluar një listë me nga dhjetë lojtarët kryesorë në çdo pozitë në ligat e mëdha të Evropës.
Ky observator ka ranguar portierët më të mirë, qendërmbrojtësit, mbrojtësit e krahut, mesfushorët mbrojtës, mesfushorët krijues, anësorët e sulmit dhe qendërsulmuesit.
Sipas studimit të CIES, portieri i Tottenham Hotspur, Hugo Lloris është portieri më i mirë në Evropë deri më tani në vitin 2018, me një rezultat prej 84.1 nga 100 duke lënë mbrapa emra si Gianluigi Donnarumma, Jan Oblak e Alisson Becker.
Ylli i Napolit, Kalidou Koulibaly është qendërmbrojtësi numër 1 në Evropë, sipas CIES, ndërsa pas tij renditen emra si Gerard Pique, Georgio Chiellini e Nicolas Otamendi.
Në pozitën e mbrojtësve të krahut befason Mario Rui i Napolit, duke lënë pas vetes me paraqitje lojtarë si Dani Carvajal, Jordi Alba, Kyle Walker e Dani Alves.
Gjermani i Real Madridit, Toni Kroos kryeson rrugën kur bëhet fjalë për mesfushorët me tipare mbrojtëse në 2018 - duke zhvendosur më poshtë Mousa Dembelen, Ivan Rakiticin, Lucas Biglian e Sergio Busquetsin.
Kur është fjala për mesfushorët me tipare krijuese dhe organizuese, Christian Eriksen është më i miri në Evropë në vitin 2018, me një vlerësim prej 89.9, ndërsa pas tij vijnë emra të njohur si Kevin de Bruyne, Marek Hamsik dhe Dele Alli.
Mohamed Salah ka shkëlqyer këtë sezon, por studimi i bërë e ka vendosur Lionel Messin në pozitën e parë për anësorët e sulmit, ndërsa pas dyshes gjenden edhe Heong-Min Son, Philippe Coutinho e Cengiz Under.
Kur është fjala për sulmuesit, Cristiano Ronaldo ka kapërcyer fillimin e tij të ndërlikuar të sezonit për të pasur paraqitje fenomenale në vitin 2018 dhe duke u renditur më lartë sesa Harry Kane, Sergio Aguero, Gonzalo Higuian e Luis Suarez. /Telegrafi/
