Nxënësi 13-vjeç rrah brutalisht profesorin në Skoci, mësimdhënësi përfundon i shtrirë në korridorin e shkollës pothuajse pa ndjenja

Një profesor në një shkollë të mesme në Skoci është sulmuar brutalisht nga një djalë 13-vjeç, ku si pasojë ka mbetur i shtrirë në tokë dhe pothuajse pa vetëdije.

Pamjet janë realizuar javën e kaluar në shkollën e mesme Taylor në Motherwell të Skocisë, ku shihet profesori në të 60-at duke qëndruar i shtrirë në korridorin e shkollës, pasi ishte sulmuar nga një nxënës, transmeton Telegrafi.

Në video shihet profesori i rrethuar nga kolegët e brengosur, dhe nxënësit që ishin aty përreth dhe shikoni me habi.

Në anën tjetër, nga policia skoceze është bërë e ditur se djaloshi është arrestuar dhe akuzohet për sulm fizik ndaj profesorit – duke pranuar në gjykatë se ka goditur profesorin.

Ngjarja ndodhi disa ditë, pasi një rast i ngjashëm shokoi opinionin në Skoci. Bëhet fjalë për tri profesoresha të një shkolle tjetër të mesme – Jonhstone, që u sulmuan nga një nxënës 16-vjeç dhe si pasojë përfunduan në spital me lëndime trupore.

Bëhet fjalë për stafin e shkollës të moshës 59, 48 dhe 34, që përfunduan në spitalin mbretëror Alexandra, kurse në këtë përleshje u lëndua edhe një nxënës 14-vjeç. /Telegrafi/