Nvidia nuk do ta blejë Arm – dështoi marrëveshja prej 40 miliardë dollarësh

Nvidia nuk do të shpenzojë 40 miliardë dollarë për blerjen e Arm, për shkak të “sfidave të rëndësishme rregullatore”, njoftoi kompania mëmë e Arm SoftBank.

Për më tepër, Nvidia do të duhet t’i ndajë 1.25 miliardë dollarë SoftBankut për një transaksion të dështuar ndërsa CEO i Arm, Simon Segars do të japë dorëheqje.

SoftBank tani thekson se Armi do të ofrohet ende publikisht, gjatë vitit fiskal që fillon më 1 prill, raporton bbc.

Blerja, e shpallur në muajin shtator të vitit 2020, do të ishte një nga më të mëdhenjtë në industri ndonjëherë, duke i dhënë gjigantit GPU Nvidia kontrollin e një kompanie, arkitektura dhe prona intelektuale e së cilës janë çelësi për pothuajse çdo çip të prodhuar për telefonat inteligjentë dhe tabletë, por edhe për ato më të mëdhenj.

Që në fillim, blerja e mundshme ishte nën vëzhgimin e publikut dhe drejtori ekzekutiv i gjigantit, Jensen Huang, duhej të mbronte vendimin në publik. Kjo ishte një shenjë se blerja do të zgjaste më shumë sesa pritej.

Së fundmi, Bloomberg raportoi se marrëveshja e blerjes po dështon, pasi rregullatorët nga disa vende shprehën shqetësimin se çfarë mund të bënte Nvidia nëse zotëronte Arm. Nvidia ende nuk i ka konfirmuar apo mohuar pretendimet se marrëveshja dështoi. /Telegrafi/