Lipjan, 12 tetor 2025 – Gara për kryetar të komunës së Lipjanit po shfaqet si një betejë e fortë politike, por sipas rezultateve të deritanishme nga Komisioni Qendror i Zgjedhjeve (KQZ), kandidati i Lidhjes Demokratike të Kosovës (LDK), Imri Ahmeti, po kalon qartë pa nevojën për balotazh.
Nga 70 vendvotime të procesuara nga gjithsej 88, Ahmeti prin me 50.77% të votave, duke siguruar 11,549 vota. Pas tij renditet kandidati i Partisë Demokratike të Kosovës (PDK), Shukri Buja, me 30.29% (6,890 vota).
Kandidatët e tjerë kanë marrë përqindje më të ulëta:
Ilir Qeriqi nga Lëvizja Vetëvendosje! – 16.73% (3,806 vota)
Ardian Bytyqi nga GUXO – 1.42% (324 vota)
Bashkim Budakova nga AAK – 0.79% (180 vota)
Rezultatet aktuale tregojnë një dominim të qartë të LDK-së në këtë komunë, duke e bërë fitoren e Imri Ahmetit shumë të mundshme pa balotazh.
