U merret leja 34 shoferëve në Prishtinë për mosrespektim të semaforit

Policia e Kosovës ka nisur implementimin e planit të ri operativ të quajtur “Semafori”.

Në kuadër të këtij plani, i cili synon të rrisë sigurinë në trafik dhe të ndëshkojë praktikat e kundërligjshme të drejtimit të automjeteve, deri më tani janë konfiskuar 34 patentë shoferë.

Shoferët në fjalë janë penalizuar për mosrespektimin e sinjalizimit rrugor, veçanërisht atë të semaforëve.

Kjo fushatë e Policisë së Rajonit të Prishtinës, dhe në veçanti Njësia Rajonale e Trafikut Rrugor, po synon të forcojë ndërgjegjësimin dhe përgjegjësinë e shoferëve ndaj rregullave të trafikut.

Kontrollet dhe angazhimet e Policisë do të jenë të pranishme në të gjitha rrugët kryesore dhe secilare do të monitorohet me kujdes në mënyrë që të sigurohet një mjedis më i sigurt për të gjithë përdoruesit e rrugës.

Aktiviteti do të vazhdojë me intensitet të lartë dhe do të zgjerohet në të gjitha zonat e rajonit të Prishtinës, me qëllim të arrijë një efekt të dëshiruar dhe një ndryshim pozitiv në sjelljet e shoferëve.

Policia e Kosovës njofton qytetarët se zbatimi i rregullave të trafikut është jetik për parandalimin e aksidenteve dhe apelon për bashkëpunim dhe kujdes të shtuar në respektimin e sinjalizimit rrugor, duke përfshirë dhe gjykimin e semaforëve./Telegrafi/