Nuk pati para për ta blerë bluzën, Gashi ia dhuroi 20 euro fanses në “Sunny Hill”

Reperi shqiptar që jeton dhe vepron në Shtetet e Bashkuara të Amerikës, Gashi, ka qenë një prej emrave më të përfolur sivjet në festivalin “Sunny Hill”.

Kur erdhi në Kosovë, ai bëri të ditur se kishte nxjerrë në shitje një numër të limituar bluzash, të dizajnuara me simbolin e shqiponjës.

https://www.instagram.com/p/B0rgRvZl9RY/

Mirëpo duket se një nga fanset nuk ka pasur mundësinë që të blejë një të tillë, dhe kështu Gashi ka shprehur dëshirën që t’ia japë nga xhepi i tij fanses paratë e nevojshme për ta blerë atë.

Këtë Gashi e bëri të ditur përmes një mesazhi që i erdhi në InstaDirect, ku fansja nga Kosova e falënderonte nga zemra për këtë gjë.

Lexo po ashtu Gashi sqaron incidentin me fansin që ndodhi në festivalin "Sunny Hill"

“Përshëndetje Gashi, unë isha në SunnyHill dhe ju po shisnit bluza për fansat dhe nuk kisha para dhe më dhatë 20 euro për të blerë një dhe nuk mendoj se çdo këngëtar do ta bënte këtë, kështu që unë mendoj se jeni i shkëlqyer duhet të ndjehesh krenar për veten tënde”, ka qenë mesazhi i fanses.

Me të marrë këtë falënderim, reperi është gëzuar tej mase dhe e ka ndarë atë me fansat në InstaStory.

I njëjti po ashtu ka sqaruar incidentin që ndodhigjatë festivalit, duke kërkuar falje për mënyrën e shpejtë se si reagoi ndaj një fansi kur ai u hodh në turmën e fansave dhe pa se po i mungonte zinxhiri. /Telegrafi/