“Nuk mund të mendoj për rekordet e tij, por për fitore” – Klopp flet për sjelljen e Salah pas zëvendësimit

Jurgen Klopp mori vendim për të hequr Mohamed Salahun nga loja për ta futur të riun Ben Doak, kur kishin mbetur 13 minuta deri në fund të ndeshjes ndaj Chelseat.

Egjiptiani dukej shumë i pakënaqur teksa zuri vendin e tij në bankinë pasi u largua.

Përveçse nuk ishte në gjendje të ndihmonte skuadrën, Salah nuk arriti ta thyej rekordin duke shënuar në gjashtë sezone radhazi në ndeshjen hapëse.

Can’t believe people are going off on Salah for this.

If he didn’t act this way, I’d be worried.

All great forwards want to be off the pitch until the last second of the match.

https://t.co/piaZm3HpsL

— 𝑾𝒊𝒍𝒄𝒐🧣 (@WilcoFtbl) August 13, 2023

Klopp u pyet për këtë pas ndeshjes, duke ledhatuar fillimisht egjiptianin, ndërsa pastaj shtoi se nuk është në stol për të menduar për rekordet individuale

“Ne jemi këtu për të fituar një ndeshje. Mo është super, super, super i rëndësishëm. Ne duhet të marrim vendime. Na duheshin këmbë të freskëta”.

Lexo po ashtu Aksioni i golit të Liverpoolit ishte perfekt: Shtatë lojtarë bashkëvepruan mes vete brenda 15 sekondave për ta tundur rrjetën

“Ai ka 500 rekorde të ndryshme. Nuk mund të mendoj për këto gjatë lojës”, ka thënë Klopp pas ndeshjes.

Liverpool barazoi ndaj Chelseat me rezultat 1-1, ku Salah asistoi te goli i shënuar nga Luis Diaz.

Ai gjithashtu kishte një gol të shënuar, por që pasi u rishikua nga VAR u anulua për pozitë jashtëloje. /Telegrafi/