Nga: Aziz Nesin
Përktheu: Mërkur Alimerko
Ah, ti i poshtër! … Nuk po kuptoja pse më shante ajo grua. Desha ta pyes: “Më falni, ç’ju kam bërë?” Por, e mbajta veten. Edhe shikon, pa le! Ta tregoja qejfin, por s’ma lejon edukata.
Autobusi ishte plot e përplot. Të gjithë m’i kishin mbërthyer sytë. Vendosa më mirë të mos flisja. Mirëpo, gruaja nuk e mbyllte gojën:
– Njeri pa cipë! … Arrogant ! … I poshtër ! … Ku e di ai ç’është edukata! Menjëherë shihet se ç’njeri është!.. Nja dy herë desh i thashë: “Madam, ju lutem, mbajeni veten!” Por, prapë u përmbajta. Ptu, turiderr! Vetëm edukata ime, pa ta tregoja qejfin …
U dëgjuan qortime:
– Turp! Ç’janë këto sjellje me gratë?
– Ç’bëni?
– Me siguri e ka shtrënguar. Mbase i ka shkelur këmbën?
– Ku e dini ju, mbase u ka dhënë liri duarve …
Po të ndalonte autobusi do kisha zbritur. Kurse grua ja grinte pa pushim. Provo e mbaje …
– I paturpshëm! Nuk di të sillet mirë! S’merr vesh se ç’janë gratë! Ç’t’i bëj edukatës që s’ma lejon, pa ta tregoja unë ty! …
E bela! … Hajde de t’i kisha bërë gjë! … U bëfsha gur në e preka as me gishtin e vogël … Po edhe ta kisha prekur, unë ç’faj kisha? Në autobus të shtyrin nga të gjitha anët …
– Edepsëz! Thuaj faleminderit që re me një grua të edukuar. Ndryshe …
Unë u bëra ujë në djersë.
– Këta maskarenj hipin me qëllim kur është autobusi plot … Unë ty … Fati yt që jam grua me edukatë …
Dukej sikur nuk po duroja më. Edhe gur po të isha, do të kisha plasur.
– Fati yt që jam grua me edukatë. Ndryshe të punoja qindin.
Në gjithë atë kallaballëk asnjë s’mbajti krahun tim. Të gjithë përkrahën atë:
– Me siguri do t’i ketë rënë më qafë.
– Sido që të thotë, ajo ka të drejtë!
– E mbushi kupën!
Gruaja në vend që të qetësohej, bërtiste akoma me zë më të lartë:
– Ah, ti i poshtër! Ah, maskara! Po të të ketë vajtur kaq shumë në tru, të jap një adresë dhe shko atje … E kuptove? Për Zotin, ç’t’i bëj edukatës sime …
Tani e teproi. I kaloi të gjithë kufijtë. Duke shtyrë me bërryla hapa rrugën, iu afrova gruas dhe e kapa nga krahu:
– Madam – i thashë – më thoni, ju lutem, çfarë ju bëra?
Gruaja qeshi me të madhe:
– Njerëz, shikoni këtë surrat të mjerë e tullac! Edhe ky e mban veten për burrë. Nga na dole ti? Pse burrë je ti? Ty të fola unë? Hë, ç’gjë që të këllet krupën! Hiqu, or zgjebe! S’të foli njeri ty. I flas atij simpatikut të ri atje …
Autobusi ndaloi në sheshin Taksim. Nuk më kujtohet si zbrita. Ndërsa gruaja vazhdonte të thërriste:
– Matufi! Pandehu se flisja për të … S’ma lejon edukata, do dija unë si t’i përgjigjesha!
S’ka më keq se kjo moshë. Edhe gratë të shajnë …
Promo
Reklamo këtuLufta Prigozhin - Putin
Më shumëI kanë thënë të mençurit...
"Universiteti i Durrësit i vitit 1380 - i pari universitet në Ballkan"
Fjalë të urta popullore: Edhe diell të bëhesh, të gjithë nuk i ngroh dot!
Dilema hamletiane e Gjergj Fishtës
JEMI ÇKA HAMË
Viti 1998, tmerri dhe vuajtjet që shpejtë u harruan: Kosova në flakë!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi