“Nuk është e vërtet që u largova nga Arsenali pasi gruaja nuk ishte e lumtur” – Xhaka tregon arsyet për largimin nga Anglia

Granit Xhaka ka mohuar se është larguar nga Arsenali për shkak se gruaja e tij ishte e palumtur në Angli, gjë që ishte komentuar shumë në media.

Mesfushori shqiptar ditë më parë kompletoi kalimin te Bayer Leverkusen, duke u larguar nga Londra pas shtatë vjetësh e më shumë se 200 paraqitjesh në Ligën Premier.

“Ka pasur gjithandej spekulime se gruaja ime nuk ishte më e lumtur në Angli. Kjo nuk është aspak e vërtetë. Është fakt se unë jam person që gjithmonë më interesojnë sfidat e reja”, ka thënë Xhaka për “Keystone-SDA”.

Tutje kapiteni i Zvicrës tregoi edhe për bisedimet që kishte me trajnerin Xabi Alonso dhe kalimin te Bayer Leverkusen.

“Pas shtatë vjetësh, ishte koha për diçka krejt të re. Kampionati nuk është i ri për mua, por klubi po. Gjatë bisedimeve me drejtorin sportiv dhe Xabi Alonson (trajnerin), kam ndier se projekti afatgjatë në Leverkusen ishte më i vlefshëm dhe se më përshtatej 100 për qind”, ka nënvizuar Xhaka.

Lexo po ashtu Arteta dhe Edu me fjalë fantastike për Xhakën, po ashtu klubi postoi video dhe shkrime të jashtëzakonshme për mesfushorin pas largimit

Xhaka ka pasur lavde për ish-trajnerin tek Arsenali, Mikel Arteta, duke e cilësuar atë si trajner shumë të afërt të cilin e respekton pafund. /Telegrafi/