Nuk arrin të futet brenda autobusit para se t’i mbyll dyert shoferi, plakut i ngec ombrella brenda dhe tërhiqet zvarrë – fatmirësisht shpëton (Video, +16)

Ky është momenti rrëqethës kur një burrë i moshuar tërhiqet zvarrë nga autobusi, pasi dështon t’i mbaj të hapura dyert dhe i ngec ombrella brenda.

Ngjarja e tmerrshme ka ndodhur në pjesën lindore të Kinës, ku mbesa e gjyshit të përfshirë në këtë incident po kërkon drejtësi, transmeton Telegrafi.

Si rezultat i pakujdesisë së shoferit të autobusit, 81-vjeçari ka përfunduar në spital me lëndime të rënda trupore. Ndërkaq familja e tij që kishte ngritur padi kundër kompanisë së autobusëve lokal, ka humbur betejën ligjore.

Edhe pse në video shihet se si shoferi nuk e pret burrin e moshuar dhe ia mbyll derën, në një moment i ngec ombrella e varur brenda dhe plaku refuzon ta lëshoj nga dora, ku si pasojë e tërheq zvarrë.

Për fat të mirë autobusi ndalet para se të përfundoj nën rrota, që sigurisht se do t’ia merrnin jetën po të përfundonin mbi të.

Tani mbesa e këtij burri të pafat është zhgënjyer në sistemin e drejtësisë, duke kërkuar ndihmë nga qytetarët për drejtësi dhe paanshmëri. /Telegrafi/