Ajo është një nga vajzat e arta të Kosovës. Xhudistja e njohur Nora Gjakova është emri që i ka bërë krenarë të gjithë shqiptarë me sukseset e saj në kompeticionet ndërkombëtare.
Ka vetëm një javë që ajo, Distria Krasniqi dhe Akil Gjakova i kanë sjellë Kosovës tri medalje nga garat ndërkombëtare “Grand Prix Tunis”: dy të argjendta, përkatësisht nga Distria dhe Akili, dhe një të artë nga vet Nora, e cila ka triumfuar me Waza-ari kundër kundërshtares koreano-jugore, Kwon.
Nora në një intervistë për Telegrafin flet këtë radhë për sukseset e saj të shumta, synimet që ka për të ardhmen, gjersa ndan me lexuesit edhe një ditë të zakonshme nga jeta e saj. Xhudistja Gjakova tregon gjithashtu për relacionet dhe ushtrimet me trajnerin e saj, Toni Kuka në palestrën e tij, nga e cila kanë dalë emra të mëdhenj në fushën e xhudos, ndër ta edhe Majlinda Kelmendi.
Nora, fituat medaljen e artë në “Grand Prix Tunis”. Na trego pak si jeni ndjerë pas këtij suksesi?
Po ndjehem shumë mirë, është një fillim i mbarë i vitit, pikë të reja, dhe mbi të gjitha në këtë garë kam fituar kundër një garuese që më ka mposhtur dy herë, kjo e veçon këtë medalje të artë nga të tjerat.
Në ranglistën botërore radhiteni e gjashta. Sa ju bënë të lumtur ky fakt?
Është sukses i madh me qenë ndër 10 garueset më të mira në botë, shpresoj që të ngritëm ende në ranglistë.
Cilat janë pikësynimet tuaja për të ardhmen, dhe për çfarë po punon tash e tutje Nora?
Qëllimi im kryesor është medalja olimpike, kurse në të ardhmen e afërt synoj të fitoj medalje në ‘Grand Slamin’ e Parisit, Kampionati Evropian dhe sidomos ai Botëror do të jenë synimet e mija kryesore për këtë vit. Ndërkohë në maj do të fillojnë kualifikimet olimpike, shpresoj në një fillim të mirë.
Sa krenare ndjehesh kur sheh flamurin e Kosovës të renditet lart krah shteteve tjera të botës, dhe kjo vetëm falë punës suaj?
Është krenari e madhe dhe ndjenjë që nuk përshkruhet, në ato momente ndjehem krenare që jam shqiptare dhe që kam mundësi me ngrit flamurin në krye të flamujve nga mbarë bota.
Punoni prej vitesh me trajnerin e njohur, Toni Kuka. Na trego pak sa mbështetje ju jep ai në çdo hap tuajin në karrierë?
Toni është përkrahësi më i madh, është privilegj i madh që e kemi si trajner, për mua është mentor në sport dhe në jetë.
Ndërkohë, jetoni në Pejë. Jashtë sportit, çfarë tipi është Nora, si është një ditë e zakonshme nga jeta e saj?
Një ditë e imja në Pejë është ditë sikurse e çdo sportistit, stërvitje dy herë në ditë, pushim dhe mundohem të kaloj më shumë kohë me familje.
Si e shihni sportin e xhudos në Kosovë, mendoni se përkrahet mjaftueshëm nga shteti?
Sporti në Kosove ka filluar të përkrahet më shumë sidomos me Ligjin e Sponsorizimit dhe të Kategorizimit, mirëpo në nivel komunal nuk kemi pas asnjëherë përkrahje, e njëjta situatë po vazhdon ende.
Po familja? Sa ju përkrahin ata dhe sa e rëndësishme është për ju?
Nga familja kam pas gjithmonë përkrahje, ata më kanë mbështetur në çdo vendim që kam marrë prej se kam filluar të merrem me sportin e xhudos.
Nora, faleminderit shumë që ishe në këtë intervistë. Cili do ishte mesazhi yt për lexuesit, dhe për të gjithë rinjtë që njëlloj si ju synojnë suksesin në karrierë?
Sporti është rrugëtim i veçantë, por për me arrit sukses në sport nevojitet disiplinë, durim dhe këmbëngulje, sporti kërkon dedikim maksimal prandaj duhet me qenë i gatshëm me sakrifiku shumë gjatë karrierës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shkurta Haxhiu: Asgjë nuk mund ta evitojë atë që fati të ka përcaktuar
Atdhe Hykolli, kryetar i BSPK-së: Intervistë me shkas e me shkak
Shkencëtarja Dr. Lumnije Kqiku-Biblekaj për çmimin “Personalitet nderi me medalje të artë” në Graz: Shkencën dhe mjekësinë i ndjej në shpirt
Vuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Reagimi me një fjalë i ministrit izraelit – detaje dhe pamje, minutë pas minute, rreth ‘hakmarrjes’ së Izraelit ndaj Iranit
24 orë na ndajnë nga ngjarja e madhe Halving në Bitcoin
Izraeli e njoftoi në minutën e fundit SHBA-në për sulmin ndaj Iranit
Zinedine Zidane ‘një hap larg’ emërimit si trajner i gjigantit të njohur evropian
E ardhmja e Guardiolës tek Man City në dyshim – një emër i ri del favorit për ta zëvendësuar atë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi