LAJMI I FUNDIT:

Njeriu me “aparat në tru”: Autisti që mund ta vizatojë në detaje, çdo qytet që sheh nga ajri

Njeriu me “aparat në tru”: Autisti që mund ta vizatojë në detaje, çdo qytet që sheh nga ajri
Stephen Wiltshire duke vizatuar Meksiko Sitin, bazuar në përvojën e shkurtë me helikopter

Është një nga artistët më të njohur në Britani të Madhe. Porositësit e tij ndonjëherë duhet të presin deri në tetë muaj, ndërsa videot ku shihet ai duke vizatuar pamje të tëra të qytetit do të kenë menjëherë shpërndarje virale, shkruan Telegrafi.

Kur Stephen Wiltshire ishte nxënës, mësuesit nuk dinin çfarë të bënin me të. Ishte dignostifikuar me autizëm që në moshën trevjeçare. Fjalën e tij të parë, “paper” (letra), e tha kur ishte pesë vjeç. Por, ishte në gjendje të bënte skica të sakta të botës së egër dhe karikatura të mësuesve të tij. Më vonë nisi të vizatonte ndërtesat që shihte në Londër, me detaje mahnitëse.

Kur ishte tetëvjeçar, kryeministri britanik kërkoi një vepër nga ai. Edhe pse nuk mund të fliste mirë, si 13 vjeç publikon librin e parë me vizatime. Atëherë mediat dhe publiku mahniten me kujtesën e pabesueshme të këtij të riu që ishte savant.

Vizatimet e tij kanë detaje dhe saktësi të mahnitshme

Kur ishte në Nju-Jork për një intervist, takon Oliver Sacks-in, ndërsa bëri një replikë të detajuar të shtëpisë së këtij neurologu pas vetëm një shikimi.

Dhuntia e pabesueshme artistike, e burrit mendërisht të prapambetur
Lexo po ashtu Dhuntia e pabesueshme artistike, e burrit mendërisht të prapambetur

“Kombinimi i aftësive të mëdha me paaftësitë e mëdha paraqet paradoks të jashtëzakonshëm: sa jetojnë këto të kundërta njëra pranë tjetrës?”, do të thotë Sacks më vonë.

Dy vjet më vonë, më 1989, do ta vizitojë Venedikun ku bëri panoramën e tij të parë. Pas kësaj u bë i njohur për pamjet e detajuara të qyteteve, me qindra rrugë në shkallë perfektë. Ai ka vizatuar qytetet anembanë botës, që nga Jerusalemi në Sidnei.

Njeriu i vërtetë i shiut
Lexo po ashtu Njeriu i vërtetë i shiut

Kur ishte në Nju-Jork, për 20 minuta fluturoi me një helikopter dhe pastaj vizatoi gjithçka që ka parë në një sipërfaqe prej gjashtë metra. Përvojat e tilla do të jenë të shumta.

Më 2006 hap galerinë e tij të parë në Londër, që menaxhohet nga motra e tij Annete.

“Arti i tij tash flet gjuhën të cilën të gjithë ne e kuptojmë”. /Telegrafi/