Aleanca për Shqiptarët dhe komuna e Strugës janë përplasur sot për shkak të një zyre për të cilën ASH-ja thotë se i takon.

Sipas Alsat-M, njerëz të ftuar nga komuna janë futur dhunshëm në zyrë. Me këtë rast, aty pranë ka ardhur edhe vetë kryetari Ramiz Merko dhe ka filluar një përplasje verbale mes tij dhe aktivistëve të ASH-së.

Suria Reshiti, deputet i ASH-së tha se një strukturë është futur në zyrë, në formë kriminale. Sipas tij, kjo ka ndodhur edhe më herët, por me vendim gjyqësor e fitoi ASH-ja, duke shtuar se çështja do të shkoj sërish në gjykatë.

Mirëpo, Merko thotë se hapësira në fjalë nuk kanë qenë të Aleancës, por të PDSH-së, dhe se Aleanca nuk është trashëgimtare e kësaj partie politike. Merko tha se me një marrëveshje të shkruar, PDSH-ja ia ka lënë komunës në shfrytëzim këtë hapësirë. /Telegrafi/