Një zëvendësues i shëndetshëm i sheqerit të bardhë, pa kalori – Çfarë është eritritoli
Nga përdorimi i deritanishëm, mund të konfirmohet se eritritoli është një ëmbëltues i sigurt dhe përdoret më së shumti nga diabetikët dhe njerëzit në dieta reduktuese
Gëzim Humolli
Trajner i fitnesit
tel. 045 953 110
Me siguri keni lexuar shumë për sheqerin e bardhë dhe e dini se sa i keq mund të jetë për shëndetin tuaj dhe kjo është arsyeja pse jeni nisur në kërkim të një zëvendësimi të shëndetshëm pa kalori.
Sheqeri i bardhë nuk ka vitamina, minerale por vetëm një shije të ëmbël, trupi ynë nuk i njeh ato si energji dhe i shndërron në yndyrë rreth belit. Kjo substancë është një nga shkaqet kryesore të diabetit, obezitetit dhe sëmundjeve të tjera.
Në këtë tekst do t’ju prezantojmë një nga zëvendësuesit më të shëndetshëm të sheqerit të bardhë, që është eritritoli, i cili edhe pse përdoret në mënyrë të ngjashme, shfaq efekte të ndryshme në tretjen tuaj, nivelet e glukozës në gjak dhe shëndetin oral.
Çfarë është eritritoli
Eritritoli dhe sheqeri i bardhë kanë një pamje dhe shije shumë të ngjashme, pothuajse identike, ku eritritoli ka rreth 70% ëmbëlsi si sheqeri, por ka 0 kalori. Ai nxirret nga bimët ose industrialisht nga niseshteja. Në natyrë, gjendet në bimë në sasi të vogla, si rrushi, dardha, shalqiri, disa lloje kërpudhash, ushqime të fermentuara si vera, birra, djathi, etj. Gjendet gjithashtu në indet e njeriut dhe në lëngjet e trupit.
Është i njohur edhe në industrinë ushqimore si suplement dietik E968.
Pse eritritoli është një zëvendësues i shëndetshëm i sheqerit të bardhë?
I popullarizuar për përdorim të përditshëm, ky produkt përdoret si ëmbëltues për kafe, çaj, lëngje, pije joalkoolike, ujëra me aromë, ëmbëlsira, etj.
Dallimi kryesor midis eritritolit dhe ëmbëltuesve të tjerë është se nuk ka kurrfarë efektesh laksative, të cilat janë të zakonshme në alkoolet e tjera të sheqerit.
Arsyeja më e madhe për këtë është se më shumë se 90% absorbohet në zorrën e hollë. Kjo pjesë nuk metabolizohet dhe tajitet e pandryshuar në urinë. Pjesa e mbetur më pak se 10% arrin në zorrën e trashë dhe metabolizohet pjesërisht. Vetëm rreth 5% e vlerës thelbësore kalorike të eritritolit i sigurohet trupit.
Me një përmbajtje prej 1.6 për qind në pije, nuk shkakton efekt laksativ. Kufiri i sipërm i tolerancës është 0,78, ose 0,71 gram për kilogram të peshës trupore tek të rriturit dhe fëmijët.
Për përdorim të sigurt te fëmijët, një panel shkencor i Autoritetit Evropian të Sigurisë Ushqimore ka rekomanduar që kufiri i sipërm për një vakt ose pije të jetë 0,6 gram për kilogram të peshës trupore.
Në doza të vogla, zakonisht nuk shkakton efekte laksative, gazra ose fryrje, siç ndodh shpesh pas konsumimit të produkteve tjera të sheqerit (maltitol, sorbitol, ksilitol dhe laktitol).
Dozat e larta mund të shkaktojnë nauze, fryrje dhe diarre. Në raste të rralla, eritritoli mund të shkaktojë urtikari.
Shkencëtarët theksojnë se rreth 20 deri në 35 g eritritol tolerohet lehtësisht. Gjithashtu, është termostabil, që do të thotë se nuk e humb ëmbëlsinë deri në 160 gradë.
Absorbohet mirë, por nuk metabolizohet
Eritritoli nuk ka asnjë efekt në nivelet e sheqerit në gjak dhe as në nivelin e insulinës në gjak. Për shkak të kësaj, por edhe për shkak të eliminimit të lehtë nga trupi, është një zëvendësues efektiv i sheqerit tek para-diabetikët, diabetikët ose ata me sindromë metabolike.
Nuk është i rrezikshëm për smaltin. Bakteret në gojë nuk mund ta metabolizojnë atë, kështu që nuk kontribuojnë në prishjen e dhëmbëve. Gjithashtu, ngjashëm me ksilitolin, ka një efekt antibakterial kundër baktereve streptokoke dhe redukton pllakun dentar.
Kur tretet në ujë, ka një efekt ftohës, si dekstroza ose nenexhiku. Këtë efekt ftohës e kanë sheqernat e tjerë alkoolikë, p.sh. xylitol, por eritritoli është më i fortë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Nuk urinoni pas marrëdhënies intime? Simptomat zbulojnë infeksione
Embolia pulmonare është një pasojë më e madhe e vdekjes sesa ataku në zemër: Simptomat kryesore shihen në këmbë
Cilat ushqime kanë më shumë vitaminë C? Është e rëndësishme të mos e teproni, kjo është doza e lejuar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak