LAJMI I FUNDIT:

Një vit pritje për maturantët në rast dështimi në Testin e Maturës (Video)

Një vit pritje për maturantët në rast dështimi në Testin e Maturës (Video)

Rreth 64.6% e maturantëve kanë kaluar testin e maturës. Pjesa e mbetur e kanë edhe fazën e dytë e cila sipas njohësve të çështjeve të arsimit është joprofesionale dhe jo zgjedhje e mirë për maturantët nëse dështojnë sërish në atë test.

Për këtë dështim, ata duhet të presin edhe një vit. Për këtë gjendje ata kanë fajësuar MASHT-in.

Dështimi i nxënësve në dy afatet Testit të Maturës, do t’i lë maturantët pa u regjistruar në asnjë universitet publik në Kosovë.

Këtë e pohon zëdhënësi i Ministrisë së Arsimit, Shkencës dhe Teknologjisë, Valmir Gashi.

“Nëse maturantët edhe në afatin e dytë nuk kanë sukses, atëherë ata nuk kanë mundësi tjera, por duhet të presin deri në vitin tjetër”, thotë Valmir Gashi.

Pritja për një vjet, për Rinor Qehajën nga Instituti EdGuard, është negative.

Ai lë fajtorë MASHT-in, që nuk e bën një zgjidhje për ata nxënës që dështojnë në dy afatet e Testit të Maturës.

“Ajo që ne shpresojmë është që edhe në testin e radhës të ketë një mbarëvajtje dhe rigorozitet sikurse në testimin e fundit. Fatkeqësi është se testi tjetër që mbahet pas disa muajsh ka shumë mangësi në menaxhim prandaj kemi edhe shpërdorime më të mëdha në testim. Instituti EdGuard vazhdimisht ka thënë se diplomimi i maturantëve të mos varet nga testi i maturës. Pra të jetë i mjaftueshëm vlerësimi i brendshëm në shkolla të mesme në mënyrë që maturantët të pajisen me diplomë. Kush është i interesuar për vazhdimin e shkollimit të mëtejshëm universitar atëherë testi i maturës të shërbejë si filtër për shkollimin e tyre të mëtejshëm”, tha për RTV Dukagjinin, Rinor Qehaja.

“Përgjegjësi mbetet mbi Ministrinë e Arsimit. Ata janë bartës të procesit. Ata kanë dështuar të ndëshkojnë shkelësit dhe në rend të parë administruesit e testit. Ajo që është proklamuar nga MASHT është njëfarë rigoroziteti selektiv. Pra në disa shkolla ka pasur mbarëvajtje ndërsa në shkolla tjera procesi ka qenë i shthurur”, shtoi më tej Rinor Qehaja, përcjell Telegrafi.

Përndryshe, gjatë fazës së parë të testit  270  nxënës e 5 administrues janë përjashtuar gjatë procesit, të cilët kanë pasuar edhe dënime. Këtë vit 64.6% e kanë kaluar testin e maturës, pjesa tjetër do t’I nënshtrohet këtij testi gjatë muajve në vijim./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori