Një vajzë që u rrit me tre baballarë nën një çati ‘mendoi se ishte normale’ – deri në një moment

Një vajzë, e cila u rrit me një dinamikë familjare aspak të zakonshme, nuk e kishte idenë se të jetuarit me nënën e saj dhe tre baballarët – të gjithë nën një çati – ishte pak e çuditshme, derisa ajo u rrit pak.

Sipas mediave të huaja, përcjell Telegrafi, Raquel Soyka shkoi në TikTok për t’u hapur në lidhje me jetën me tre baballarë në të njëjtën kohë pasi iu përgjigj një thirrjeje që thoshte, “më tregoni diçka që familja juaj ju bëri të mendoni se ishte normale duke u rritur”.

“Pra, e para që më vjen në mendje është të kesh tre baballarë nën një çati; mamaja ime dhe unë, burri i parë i nënës sime, i quajtur Bill Daddy, burri i dytë i mamasë time i quajtur Daddy Rich dhe babai im, i quajtur Daddy Pete, duke jetuar së bashku me vite dhe vite dhe vite”, ka shpjeguar ajo.

Dhe pas shumë pyetjeve nga ndjekësit e hutuar, Raquel shpjegoi se nëna e saj u martua me Bill Daddy në moshën 17 vjeçe, kishte një fëmijë me të dhe më pas u divorcua, para se të takonte Daddy Rich. Së bashku, me Daddy Rich, mamaja e saj kishte dy foshnje, para se të divorcohej.

Mamaja e Raquel më vonë shkoi në një lokal, në moshën 44 vjeç, ku ajo takoi Daddy Pete dhe mbeti shtatzënë me Raquel, megjithatë, pasi ajo lindi, mamaja e saj u martua përsëri me Daddy Rich, i cili e rriti atë për shumicën e viteve të saj të hershme.

@life_of_raquel

#stitch with @christy_lats #growingup #notnormal #foryoupage #tellmesomething #tellme #fypシ

♬ original sound – Raquel

Ata erdhën të jetonin së bashku kur Daddy Pete dhe Bill Daddy vuajtën nga disa probleme shëndetësore dhe kishin nevojë për ndihmë për t’u kujdesur, kështu që mamaja e Raquel ofroi t’i merrte brenda – me pëlqimin e burrit tjetër të saj, Daddy Rich.

Sidoqoftë, Raquel u rrit duke i thirrur të tre burrat me titujt e tyre Daddy, dhe vetëm kur ishte 10 vjeçe ajo zbuloi se Daddy Pete ishte babai i saj biologjik.

Megjithatë, ajo e vlerëson burrin e dytë dhe aktual të mamasë së saj, Daddy Rich, për kujdesin ndaj saj.

Është mjaft interesante, kur u pyet nëse shkojnë mirë, Raquel shpjegoi se tre baballarët e saj nuk debatojnë me njëri-tjetrin dhe se çdo “përplasje” që ndodh ka tendencë të jetë midis nënës së saj dhe secilit baba.

Sigurisht që është një situatë e jashtëzakonshme, por me kaq shumë familje të ndara, shumë do të thoshin se është një arritje e pabesueshme për të gjithë që të jetojnë së bashku në mënyrë të tillë, dhe në harmoni. /Telegrafi/