Një top klub evropian ka gati ofertën prej 110 milionë euro për Camavingan, zbulohet qëndrimi befasues i Real Madridit

Eduardo Camavinga po kalon sezonin e tij të tretë te Real Madridi që nga transferimi nga Rennes në verën e vitit 2021 për 31 milionë euro.

Mesfushori francez është bërë shumë i rëndësishëm te skuadra spanjolle dhe e ardhmja e tij është e lidhur ngusht me Real Madridin.

Francezi është një nga lojtarët më të dashur në Real Madrid dhe Reali nuk e ka ndërmend të heqë dorë nga shërbimet e tij, përkundër ofertave të mëdha.

Lexo po ashtu “A e doni të vërtetën”, Camavinga për bisedat me Mbappen për të ardhmen

Sipas asaj që ka raportuar ‘Defensa Central’, gjiganti anglez Arsenal ka bërë një ofertë bombastike prej 110 milionë eurove për lojtarin.

Mikel Arteta e vlerëson jashtëzakonisht shumë mesfushorin francez dhe dëshiron ta krijoj një tandem fantastik në mesfushë së bashku me Declan Rice.

Megjithatë oferta prej 110 milionë eurove që Reali ka në tavolinë për 21-vjeçarin është hedhur poshtë, pasi Florentino Perez e vlerëson jashtëzakonisht shumë Camavingan.

Nuk është hera e parë që madrilenët testohen me oferta të ndryshme për francezin, pasi më parë edhe Chelsea, Man Utd, Juventus e Liverpool janë interesuar për të, por Los Blancos nuk duan ta largojnë atë për asnjë çmim. /Telegrafi/