Një pasagjer pa përvojë fluturimi ka aterruar në mënyrë të sigurt me një aeroplan privat në një aeroport në Florida pasdite të martën, më 10 maj, kur piloti u bë “i paaftë”.

Ndërsa situata po ndryshonte, pasagjeri mund të dëgjohet duke i thënë kontrollit të trafikut ajror se ai nuk di si të fluturojë me aeroplanin, sipas audios të marrë nga CNN LiveATC.net.

“Kam një situatë të rëndë këtu”, citohet të ketë thënë pasagjeri i paidentifikuar në audio. “Piloti im është bërë jokoherent dhe nuk e kam idenë se si të drejtoj aeroplanin”.

Më pas, një kontrollor i trafikut ajror filloi t’i jepte pasagjerit udhëzime për uljen e aeroplanit, sipas audios, e cila përfundimisht aterroi në Aeroportin Ndërkombëtar Palm Beach në Florida.

Dy persona ishin në bordin e Cessna 208 me një motor kur piloti kishte një “problem shëndetësor”, tha në një deklaratë Administrata Federale e Aviacionit. /Telegrafi/