Një moment frymëzues në krizën e coronavirusit, një mysliman dhe një hebre luten së bashku

Avraham Mintz dhe Zoher Abu Jama sapo iu kishin përgjigjur një thirrje telefonike në lidhje me një grua 41-vjeçare që kishte probleme me frymëmarrje në qytetin jugor të Izraelit, Be’er Sheva.

Para kësaj, ata po kontrollonin një burrë 77-vjeçar. Por do të ketë edhe më shumë përsëri thirrje sepse ata janë punonjës shëndetësorë, shkruan CNN.

Ndërsa ora u afrua gjashtë pasdite, Mintz dhe Abu Jama kuptuan se mund të jetë ndërprerja e tyre e vetme e ndërrimit, transmeton Telegrafi.

Të dy anëtarët e Magen David Adom (MDA), shërbimi i Izraelit për përgjigje emergjente, ndaluan të luten.

Mintz, një hebre, qëndronte përballë Jerusalemit, shallin e tij të bardhë dhe të zi të lutjes, e kishte të varur në supet e tij. Abu Jama, një mysliman i devotshëm, u gjunjëzua përballë Mekës, dhe qilimi ishte nën gjunjët e tij.

Për të dy punonjësit shëndetësorë, të cilët punojnë në mënyrë rutinore dy ose tre herë në javë, lutja e përbashkët nuk ishte asgjë e re.

Për shumë të tjerë, ishte një imazh frymëzues në mes të pandemisë globale të coronavirusit.

Një fotografi e dy burrave duke u falur shpejt u bë virale, duke mbledhur mijëra pëlqime në mediat sociale dhe duke u shfaqur në faqet kryesore të mediave ndërkombëtare.

Një përdorues u përgjigj në Instagram: “Jam krenar për të gjitha shërbimet e shpëtimit, nuk ka rëndësi se nga cili komunitet apo fe janë”.

Në Twitter, një përdorues tjetër tha: “Një luftë! Një fitore! Le të bashkohemi”.

“Fakti që është kaq i thjeshtë e bën atë aq të fuqishëm. Unë besoj se Zoher dhe unë dhe shumica e botës e kuptojmë se duhet të ngremë kokën dhe të lutemi. Kjo është gjithçka që mbetet”, tha Mintz për CNN.

“Të gjithë kanë frikë nga virusi”, tha Mintz. “Kështu jemi ne, por kemi besimin se gjithçka është nën kontrollin e Zotit. Ne të dy besojmë këtë”.

Ndërsa Ebu Xhema tha: “Unë besoj se Zoti do të na ndihmojë dhe ne do ta kapërcejmë këtë. Të gjithë duhet t’i lutemi Zotit që të na e marrë përsipër këtë dhe do të kapërcejmë këtë krizë botërore”.

Të dy u lutën për rreth 15 minuta. Pastaj u kthyen përsëri në ambulancë. Dhe përsëri në punë. /Telegrafi/