Një ish-agjent i FBI-së jep këshilla për t’ju ndihmuar të dalloni kur një person gënjen

Ish-agjentja e FBI-së, Tracy Walder ka zbuluar disa nga shenjat përmes të cilat do të mësoni se një person ju gënjen.

Në fakt, ish-anëtarja e FBI-së amerikane dhe zyrtarja e CIA-s, ka punuar si spiune, e tani vazhdimisht ndanë me ndjekësit e saj në Instagram, disa përmbajtje interesante që mund t’ju ndihmojnë të jeni të sigurt në ambientin që ju rrethon, transmeton Telegrafi.

Walder ndau me ndjekësit “trukun” se ekzistojnë nëntë shenja që tregojnë se një person gënjen. Si shenjën e parë, përmend rrëmujën, zërin e ngritur dhe përdorimin e lotëve për të shmangur shpjegimet.

Gjithashtu, nëse një person flet shumë, por nuk thotë asnjë detaj, është një nga shenjat kryesore se ky person po ju gënjen.

Kushtojini vëmendje mënyrës sesi personi reagon ndaj pyetjeve, ata zakonisht janë të qetë, dhe më pas papritur gjatë bisedës “shpikin” historinë e tyre.

Një nga shenjat më të njohura që zbulon se një person gënjen është sigurisht shmangia e kontaktit me sy dhe nëse një person gjendet në shoqërinë e dëshmitarit të tij, ai e izolon atë person në mënyrë që të pajtojë atë që ka përjetuar.

Kushtojini vëmendje të veçantë kur personi shpjegon shumë koncepte dhe situata të thjeshta, por nuk i kushton vëmendje specifikave.