Një grua australiane publikon pamjet e aksidentit me motoçikletë të burrit të saj, pak pasi po voziste 260 km/orë

Një grua e shkatërruar ka ndarë pamjet e burrit të saj që ngiste motoçikletën e tij me shpejtësi më shumë se 260 km/orë para një përplasje të tmerrshme që e ka lënë atë të lënduar në tru.

Sipas mediave të huaja, përcjell Telegrafi, pamjet tregojnë vozitësin duke u përplasur për një kamion të palëvizshëm në një autostradë të Australisë Jugore pasi sekonda më parë kishte kaluar 267 km/orë në shpejtësinë e tij.

Ai gjithashtu mund të shihej duke lëvizur me shpejtësi ndërsa “bënte slalome” brenda dhe jashtë trafikut.

Përplasja e la atë në gjendje kome për dy muaj dhe ai tani ka nevojë për kujdes të plotë për shkak të ndikimit të përplasjes në aftësinë e tij për të komunikuar.

Dhe gruaja e tij ka marrë vendimin jo të lehtë për të lejuar policinë të ndajë pamjet publikisht, për të nxjerrë në pah rreziqet e ngasjes me shpejtësi ekstreme.

“Vendimi i tij për të lëvizur me shpejtësi ekstreme nuk ndikoi vetëm tek ai. Kjo ndikoi në jetën e atyre që e mbajtën gjallë në rrugë dhe ndryshoi përgjithmonë jetën e familjes së tij”, ishte shkruar në mbishkrimin e videos. /Telegrafi/