Një “goditje zogu” shkaktoi zjarr në motor, aeroplani u detyrua të kthehej në aeroportin e Romës

Një fluturim i Hainan Airlines me destinacion Shenzhen të Kinës, u detyrua të kthehej në aeroportin Fiumicino të Romës pak pas ngritjes të dielën kur një “goditje zogu” shkaktoi zjarr në motor, njoftuan zyrtarët e aeroportit.

Sipas mediave të huaja, përcjell Telegrafi, Boeing 787-9 Dreamliner, i cili u ngrit në orën 9:55 me orën lokale me 249 pasagjerë dhe 16 anëtarë të ekuipazhit në bord, u ndesh me incidentin disa minuta pas nisjes, duke çuar në një reagim të shpejtë nga ekuipazhi dhe autoritetet e aeroportit.

Ndërsa aeroplani u ngjit pas ngritjes, raportohet se u përplas me një zog, duke bërë që motori në anën e djathtë të përfshihej nga flakët.

After 11 circular holding patterns and 50 minutes in the air, a 2018 built Hainan Airlines Boeing 787-9 Dreamliner (B-1119) retuned back to Leonardo da Vinci Rome Fiumicino Airport (FCO) few hours ago owing to issues with the Right engine.

The event took place when the General… pic.twitter.com/XTjFQz72QL

— FL360aero (@fl360aero) November 10, 2024

Goditjet e shpendëve gjatë fluturimit, megjithëse janë relativisht të zakonshme, janë një rrezik i njohur në aviacion dhe mund të çojnë në rreziqe të konsiderueshme të sigurisë.

Duke ndjekur protokollet standarde të sigurisë, ekuipazhi menjëherë shpalli gjendjen emergjente dhe u përgatit të kthehej në aeroportin Fiumicino.

Për të siguruar një ulje të sigurt, aeroplani kreu një “shkarkim karburanti” mbi det përpara se të përfundonte afrimin e tij për në aeroport.

Pas uljes, të gjithë pasagjerët dhe anëtarët e ekuipazhit u evakuuan në mënyrë të sigurt dhe nuk u raportua për të lënduar. /Telegrafi/