Një ditë vere në Çarshinë e Vjetër të Gjakovës – historia dhe e bukura që qëndron prapa destinacionit shumë të frekuentuar në këtë qytet
Gjakova shquhet si një prej qyteteve më historike të Kosovës.
Jo më kot, ajo njihet edhe si djepi i kulturës – ngase talentet muzikore dhe veprat artistike e letrare që kanë buruar nga njerëzit e këtij qyteti, janë të shumta.
E kjo kulturë shtrihet në masë të madhe edhe në një pjesë shumë të rëndësishme të qytetit, siç është Çarshia e Madhe.
Telegrafi bëri një vizitë në këtë lokacion shumë të dashur për gjakovarët, ku bashkë me artistin Korab Basha kapi pamjet më interesante të kësaj pjese shumë të frekutentuar të qytetit.
Gjatë rrugës, ndeshemi me gazetarin Ngadhnjim Haxhosaj, i cili foli më shumë mbi historikun e saj Çarshisë së Madhe, e njohur ndryshe edhe si Çarshia e Vjetër.
“Në Gjakovë duhet me ardh sepse ka shumë gjëra të bukura edhe gjëra të mira. Ditëve të fundit dhe netëve të fundit është ngjallur edhe Çarshia e Vjetër ose Çarshia e Madhe, e cila përveçse ka një histori të vjetër 500 vjeçare, ka edhe një dashuri dhe energji të bukur të ndejave dhe të këtyre netëve të bukura dhe ditëve të bukura muzikore. Njerëzit jo vetëm nga Gjakova, por edhe nga qytete të tjera dhe edhe turistë të jashtëm kanë filluar ta frekuentojnë shumë këto katër-pesë vitet e fundit, por që janë shtuar edhe këto ndejat/eventet live që po ndodhin thuajse çdo natë dhe i kanë dhënë një karakter tjetër, përveç karakterit historik dhe kulturor që e ka çarshia, ia ka dhënë edhe një karakter të ndejave që po organizohen”, tha Haxhosaj.
I njëjti vazhdoi të vinte në dukje faktin se mbetet mbresëlënëse mënyra se si kjo çarshi u rikuperua edhe pas plagëve të marra nga lufta e fundit në Kosovë (1997-1999).
“Gjakova e ka një përparësi të madhe sepse e ka këtë çarshi e cila është ndër më të mëdhatë në Ballkan, e cila e ka historinë, të kaluarën e saj. Kjo ka qenë e djegur tërësisht në vitin 1999 dhe është rindërtuar nga fillimi dhe kanë filluar organizimet e grupeve të ndryshme me ndejat e muzikës popullore, rock, alternative por edhe të tjera”, shtoi Ngaxhim Haxhosaj për Telegrafin.
Por pse një i ri duhet të vizitojë Çarshinë e Vjetër të Gjakovës?
“Çdo i ri dhe çdo gjeneratë e gjen një kënaqësi në këtë vend dhe e shijon jetën e natës – pse jo edhe turizmin e ditës në Çarshinë e Madhe”, sugjeron Haxhosaj.
Teksa pamjet e kapura nga fotografi dhe kameramani Basha vazhdojnë të shoqërojnë lexuesit, gazetari nga Gjakova e përmbylli bisedën duke treguar për mikpritjen që u bëhet vizitorëve në qytetin e tij.
“Karakteristikë e Gjakovës është mikpritja dhe afërsia me njerëzit. Humori, dashura, afërsia, komunikimi i gjakovarëve me të gjithë dhe kur vjen në çarshi, të gjithë ndjehen si në shtëpinë e vet (sepse janë në shtëpinë e vet), nuk kanë se pse ndjehen ndryshe, nuk kanë se pse ndjehen jo të barabartë sepse është vendi që të afron më së shumti në Gjakovë. Ka një energji shumë të mirë”, përfundoi Haxhosaj.
Pamjet e bukura të Gjakovës në këtë reportazh të shkurtër janë xhiruar dhe përpunuar nga artisti Korab Basha. /Telegrafi/
Lufta Prigozhin - Putin
Më shumëGjëja e vetme që nuk duhet të bëni kurrë kur partneri juaj është i mërzitur
A e dini se çfarë kuptimi ka simboli i "fluturës" në makinën larëse – pyetja ka nxitur debat të madh në internet
Ushtrime joga për ngrohje më efikase të muskujve para trajnimeve
Një detyrë e thjeshtë në të cilën 90 për qind e njerëzve bëjnë gabime: Bëni sytë katër dhe përpiquni ta zgjidhni!
Urime të zgjuara për përvjetorët e martesës
Makina larëse harxhon dy herë më shumë energji elektrike për shkak të një gabimi që bëjmë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës