LAJMI I FUNDIT:

Një ditë pas dorëheqjes së Haradinajt, 250 pejanë i bashkohen AAK-së

Një ditë pas dorëheqjes së Haradinajt, 250 pejanë i bashkohen AAK-së

Një ditë pas vendimit të kryeministrit të Qeverisë së Kosovës Ramush Haradinaj, për të dhënë dorëheqje të parevokueshme nga posti, si pasojë e një ftese të arritur për të nga Gjykata e Specializuar në Hagë, si i dyshuar, 250 të rinj të Pejës i janë bashkuar subjektit politik të Haradinajt.

Ata kanë pranuar kartelat e anëtarësisë në një takim të hapur me zv. ministrin në detyrë të Shëndetësisë, Ali Berisha që është edhe kryetar i degës së këtij subjekti në Pejë.

AAK njofton se anëtarësimet kanë pasuar edhe me debat me ç’rast është vlerësuar lartë gjesti i dorëheqjes së Haradinaj, për t’i lënë rrugë të hapur drejtësisë ndërkombëtare e cila sipas pejanëve, ka kaluar çdo kufi në raport me rastin e Kryeministrit, meqë ai po ftohet për herë të tretë, pas dy gjykimeve ndërkombëtare nga të cilat doli i pafajshëm, raporton KP.

Pejanët besojnë në pastërtinë e Ramush Haradinajt dhe figurën e tij e shohin prej shpëtimtari të këtij qyteti në vitin e rëndë 1999, kur Peja tentohej të ndahej sikur Mitrovica.

“Vendim i përgjegjshëm burrëror, që veç Ramushi din ta përçoj. Kemi dhimbje personale se ju bë mjaft me drejtësinë ndërsa sa I përket postit, ai do ta rimerrë sërish, sepse burrë më të fortë nuk kemi pasur në Qeveri. Ramushi është i meqëm dhe e din se kush ja ka punuar këtu brenda por edhe atje në Beograd”, tha Memli Basha, anëtari më i ri i AAK-së.

Ndërsa Ali Berisha në fjalën e tij ka kërkuar që Peja dhe rrafshi i dukagjinit, siç janë bastion i AAK-së, të dëshmojnë pjekuri në të gjitha proceset e ardhshme në raport me shtetndërtimin e vendit, përderisa shprehu bindjen se tashmë gjithçka është e qartë për të gjithë, edhe Evropën edhe Botën, se Haradinajt i pengojnë Serbisë.

“Serbia ka problem me Haradinajt dhe është e qartë se përse, por Serbia e din se në këtë raport çdoherë del humbëse. Evropa dhe Bota e dinë se procese të tilla vijnë nga ana e agresorit për viktimën. Kosova ekziston dhe Haradinaj është Kosova”, tha mes tjerash Berisha.

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori