Nisin xhirimet e filmit “Dashuria e Bjeshkëve të Nemuna 3”, këto janë disa nga imazhet e filmit (Foto)

“Dashuria e Bjeshkëve të Nemuna” është pa dyshim një nga filmat më bukur të kinematografisë shqiptare. Të gjithë e mbajnë mend tashmë episodin e parë të këtij filmi, të realizuar në vitin 1997, ku një dashuri e dy të rinjve në Bjeshkët e Nemuna, përfundon me vdekjen tragjike të njërit prej personazheve.

Gjurmë tek publiku, la edhe pjesa e dytë, e realizuar tri vite më pare, ku solli edhe njëherë rifreskimin e historive të vjetra, por të ripërpunuara në kohët moderne.

Regjisori i filmit Ekrem Kryeziu, bashkë me produksionin “Labia Film”, dhe ekipin e aktorëve kanë mbledhur edhe njëherë forcat për të realizuar projektin e tyre më të ri, filmin “Dashuria e Bjeshkëve të Nemuna 3”.

Lexo po ashtu Kur Diellza Kolgeci shfaqej nudo duke bërë seks (Video +18)

Aktorja dhe modelja e njohur Diellza Kolgeci do të jetë sërish kryeqendra e këtij filmi, e ndërsa në personazhet e tjera kryesore do të vazhdojnë të jenë: Florian Agalliu dhe Çun Lajqi, kurse hyrje e re në film kësaj here është modelja e njohur nga Shqipëria, Aurela Hoxha.

Tematika e filmit do të jetë edhe njëherë dashuria me pasionin, tentim hakmarrja si dhe dhembja e pafund prindërore. Zhanri i filmit do të jetë aksion-romancë.

Lexo po ashtu Skenat nudo të aktorëve shqiptarë që bënë bujë (Foto/Video, +18)

Tashmë xhirimet e “Dashuria e Bjeshkëve të Nemuna 3” kanë filluar, dhe Telegrafi ju sjellë disa nga imazhet e realizimit, si dhe prapaskenat e filmit, foto këto të publikuara nga vetë aktorët në rrjetet e tyre sociale.

Filmi do të jetë i gatshëm për shikuesit, në fillim të vitit 2017./Telegrafi/