Me masa të shtuara të sigurisë, Zoran Vukotiq, u soll në Gjykatën Themelore të Mitrovicës në objektin e Gjykatës në veri.
Pas leximit të aktakuzës, ai është pyetur nga kryetari i trupit gjykues, Arnout Louter, rreth akuzave për tri pikat e aktakuzës.
I veshur me xhinse dhe fanelë të kaltër të errët, me flokë të qethur, Vukotiq ka deklaruar se ndihet i pafajshëm në të gjitha akuzat e prokurorisë.
Pas përfundimit të seancës e cila nuk zgjati më shumë se një orë, Vukotiq u largua nga selia e gjykatës me pranga në duar dhe nën përcjellje të shtuar të policisë.
Avokati i tij, Nebojsha Vllajiq, tha për gazetarët se do të parashtrojë kundërshtimet e tij ndaj aktakuzës në 30 ditët e ardhshme.
“Sot është lexuar aktakuza dhe i akuzuari është deklaruar se e ka kuptuar aktakuzën dhe se nuk është fajtor. Gjykimi do të vazhdojë në afatin e caktuar brenda të cilit mbrojtja mund t’i parashtrojë kundërshtimet e veta kundër aktakuzës dhe këtë gjithsesi do ta bëjmë në 30 ditët e ardhshme”, tha Vllajiq.
Aktakuza e Prokurorisë Speciale ngarkon Vukotiqin për krime lufte kundër popullsisë civile shqiptare gjatë vitit 1999.
Në bazë të aktakuzës së lexuar nga prokurori i EULEX- it, Paul Flynn, Zoran Vukotiq ka marrë pjesë në një sulm ndaj popullatës civile shqiptare midis fshatrave Studime e Epërme dhe Studime e Poshtme të Vushtrrisë, ku civilët shqiptarë iu nënshtruan qëllimisht vrasjeve brutale e të paligjshme, trajtimit çnjerëzor si dhe vuajtjeve të mëdha.
14 viktimat e identifikuara të këtij rasti janë Enver Rustolli, Hamdi Fazliu, Avdulla Fazliu dhe Fahredin Fazliu, Ekrem Mullaku, Xhavit Mullaku, Fatmir Gërxhaliu, Eshref Rashica, Adnan Bunjaku, Adem, Haki Ademi, Shaip Gërxhaliu, Musa Gërxhaliu dhe një 14 vjeçar tjetër i paidentifikuar.
Aktakuza më tej përshkruan paraburgimin e kundërligjshëm të një numri të madh të popullatës civile shqiptare në ish-fabrikën bujqësore në Vushtrri. Në këtë objekt, të burgosurit u ishin nënshtruar qëllimisht trajtimit çnjerëzor dhe shkeljeve të integritetit trupor e shëndetit.
Ndërkaq, pika e tretë e aktakuzës ngarkon të akuzuarin se në cilësinë e tij si oficer rezervë i policisë në Stacionin e Policisë në Vushtrri, duke vepruar si roje e burgut, me përgjegjësi personale dhe duke vepruar në bashkëkryerje me pjesëtarë të tjerë të forcave të ndryshme serbe, mori pjesë në ndalimin e paligjshëm të një numri të madh të popullatës civile shqiptare në burgun e Smerkovnicës, ku shumë civilë iu nënshtruan qëllimisht trajtimit çnjerëzor dhe aplikimit të madh të masave të frikësimit dhe terrorit.
Zoran Vukotiq ishte ekstraduar nga Mali i Zi në Kosovë në nëntor të vitit 2016.
Promo
Reklamo këtuLufta Prigozhin - Putin
Më shumëMbushet stadiumi në Greqi me shqiptarë, Rama: Jeni bota
“Paguhen duke qëndruar në shtëpi” - Drejtoria e Arsimit në Graçanicë keqpërdor mbi një milion euro në vit për pagat e 250 punëtorëve
Quni: Sulmi terrorist i Banjskës mund të përsëritet
Gjendet i vdekur një person në Prishtinë
Bombardimi i konsullatës në Ukrainë, Qeveria shqiptare interesohet për provat
Komuna e Graçanicës me standarde të dyfishta, Gashi: Shqiptarët po përjashtohen nga lejet e ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron