“The Nine Values Cup” do t’i jepet një skuadre kombëtare të ‘Kupës Botërore 2018’ në Rusi

Sot (e mërkurë) në prag të ngjarjeve përfundimtare të programit social të fëmijëve të Gazprom International të Football for Friendship, është bërë prezantimi i çmimit kryesor të programit–The Nine Values Cup.

Në konferencën për shtyp pjesëmarrësit e rinj të programit të Football for Friendship – Dennis Aladyev (Penza) dhe Daniel Korobkov (Moskë) treguan për historinë dhe rëndësinë e çmimit unik Nine Values Cup dhe se si po përgatiten për ngjarjet kryesore të programit, të cilët do të mbahen në Moskë më 08-15 qershor.

Në sezonin e gjashtë të programit të Football for Frienship, Nine Values Cup do t’i jepet një prej 32 ekipeve kombëtare të futbollit që marrin pjesë në Kupën Botërore të FIFA 2018 në Rusi. Fituesi i çmimit do të përcaktohet me votimin e Ambasadorëve të Rinj nga 211 vende dhe rajone të botës: nga 09-11 qershor në Kampin Ndërkombëtar të miqësisë, pjesëmarrësit e rinj të programit do të përcaktojnë TOP 3 ekipet kombëtare.

Rezultatet do të shpallen më 13 qershor në Forumin Ndërkombëtar të Football for Friendship dhe një kopje e Kupës, e bërë nga skulptori i njohur gjerman Achim Ripperger, do të përfshihet në ekspozitën e përhershme të Muzeut të Bashkimit të Futbollit Rus nga qershori 2018.

The Nine Values Cup është një trofe unik që kremton nëntë vlerat kryesore të programit – miqësinë, barazinë, drejtësinë, shëndetin, paqen, përkushtimin, fitoren, traditat dhe nderin.