Nicole Kidman aplikoi një truk që i bën kombinimet monotone të dimrit kaq mbresëlënëse

Nicole Kidman është një yll me stil të përkryer, prandaj është frymëzim për shumëkënd

Së fundmi ajo është shfaqur në një edicion elegant dimëror në të zeza dhe ka treguar se sa i fuqishëm dhe emocionues mund të jetë një kombinim monokromatik.

Nicole Kidman mahnit me veshjet e saj dhe edicioni i saj njëngjyrësh në të zezë është perfeksion i pastër, falë një truku që mund ta zbatojnë të gjithë.

Ndërsa zhiva në termometër bie, palltot e ngrohta të dimrit nxirren nga dollapi, kështu që gjithmonë lind pyetja se si të dukeni të rregulluara dhe elegante pavarësisht të ftohtit.

Prandaj, Nicole Kidman mbështetet në një truk stili të provuar dhe të besuar, por kaq të thjeshtë që plotëson menjëherë një veshje, transmeton Telegrafi.

Ngjyra e zezë është elegante dhe thjesht e pazëvendësueshme, sidomos nëse e stiloni nga koka te këmbët – e cila është efektive për çdo stil.

E që pamja të mos jetë shumë monotone, ju sugjerojmë copa në ngjyrë të zezë, por me tekstura të ndryshme!

Kështu ka kombinuar diva e Hollivudit një pallto të gjatë leshi të zezë me pantallona gjysmë transparente dhe këpucë me llak “Mary Janes” dhe kështu ia ka dalë dinamikës në pamje pavarësisht vetëm një ngjyre.

E zeza jo vetëm që i jep veshjes një faktor shtesë, por edhe elegancë klasike. Një jakë e bardhë gjithashtu tërheq vëmendjen. Por ndoshta gjëja më e mirë e një veshjeje njëngjyrëshe është se kërkon shumë pak kohë për të menduar kur qëndroni para gardërobës në dimër.

Përveç kësaj, kjo veshje nuk kërkon shumë blerje sepse shumica prej tyre tashmë kanë elemente të zeza në dollapët e tyre që mund të kombinohen në shumë mënyra, kështu që nxirrni pjesët tuaja dhe luani me teksturat, do të habiteni nga rezultatet. /Telegrafi/