Ngrit 313 kilogramë me një këmbë për medalje të artë dhe rekord olimpik – bëhet viral peshëngritësi kinez në Lojëra Olimpike

Në Lojërat Olimpike që po mbahen në Tokio, ekspedita e Kinës arkëtoi deri më tani nëntë medalje të arta. Dy prej tyre i takuan Li Fabinit, i cili vendosi rekord të ri olimpik në peshëngritje, në kategorinë deri më 61 kg.

Ai fitoi në dy disiplina, në të parën ngriti 172 kg dhe në të dytën, 313 kg. Sportisti 28 vjeçar nga Kina, në një moment të garimit solli të qeshurat për publikun e paktë në këtë gara, kur vendosi që të me një këmbë të mbajë peshën fituese.

Lexo po ashtu Merr fund pritja 97 vjeçare e Filipineve për medaljen e artë – ëndrrën e realizoi Hidilyn Diaz

Mediat në Japoni raportuan se sportisti nga Kina ka shfrytëzuar stilin “Flamingo” me qëllim që të përmirësojë barazpeshën dhe të fitojë në këtë konkurencë garash.

“Ishte një gabim momental. Për pak do të humbisja barazpeshën, mirëpo kam punuar shumë në këtë skenar gjatë stërvitjeve”, është shprehur ai.

Lexo po ashtu Incident në Lojërat Olimpike: Sporti debutues, skejtbordi sa nuk i solli lëndime të rënda Angelo Narvaezit

“Jam i vetëdijshëm se është argëtuese, mirëpo këshilloj që mos të ekzekutohet, pasi që sjell një rrezik të madh të lëndimit”.

“Kam një bazë të fortë dhe shumë kam punuar për këtë lëvizje,” ka shtuar mes tjerash Li, i cili të njëjtën e ka bërë në Kampionatin e Azisë, në vitin 2017. /Telegrafi/

https://twitter.com/cstv_gh/status/1419607674304540676