Ngordh qeni më i famshëm në botë që frymëzoi kriptovalutën me emrin Dogecoin

Cheems Balltze, qeni viral Shiba Inu që frymëzoi meme “doge”, ka ngordhur në moshën 12-vjeçare pas një beteje me kancerin.

Qeni i famshëm në internet, i njohur për buzëqeshjen dhe dashurinë për hamburgerët me djathë, ka ngordhur të premten e kaluar pasi ra në gjumë gjatë një operacioni torakentezë, shkroi pronari i tij në rrjetet sociale.

Shiba Inu, i njohur gjithashtu si “Ball Ball”, paraprakisht ishte vendosur që të kryente kimioterapinë për leukeminë.

View this post on Instagram

A post shared by Cheems_Balltze (@balltze)

“Ai ra në gjumë të premten në mëngjes gjatë operacionit të fundit të torakentezës. Fillimisht, ne donim t’i organizonim kimioterapinë ose ndonjë trajtim tjetër të mundshëm për të pas këtij operacioni, por tani është tepër vonë”, pohoi pronari.

Megjithatë, ajo u kërkoi fansave të mos jenë të “trishtuar”, por të “kujtojnë gëzimin që Balltze i solli botës”.

Meme virale u bë e famshme në internet në vitin 2010, kur një foto e një qeni Shiba Inu duke kryqëzuar putrat e tij u mbulua me një tekst komik ‘sans’ – duke përshkruar atë që mund të ishte monologu i brendshëm i kafshës shtëpiake.

Përdoruesit e internetit shpejt filluan t’i referoheshin imazhit si “doge”, dhe madje krijoi një kriptomonedhë të re – “Dogecoin” – në vitin 2013. /Telegrafi/