Ngjyra e kaltër e çelët sjell frymëmarrje të re në ditët e zymta - një zgjedhje që bashkon klasiken me modernen
Shumë njerëz mendojnë se këmisha e kaltër, sidomos ajo në nuanca të çelëta, është e përshtatshme vetëm për pranverë dhe verë. Megjithatë, ky veshje klasike është shumë më e gjithanshme nga sa duket.
Me përzgjedhjet e duhura, këmisha e kaltër e çelët mund të jetë një pjesë ideale edhe për vjeshtë dhe dimër, duke sjellë ndriçim dhe freski në ditët e zymta.
Ja udhëzuesi ynë i stilit që, me siguri, do t’ju ndihmojë më shumë se sa mendoni.
Këmisha e kaltër për vjeshtë
Këmisha e kaltër është bazë e shkëlqyer për kombinime me shtresa. Për shembull, mund ta vishni nën një triko të hollë në ngjyra neutrale si bej, gri apo ngjyrë deveje. Nëse ju pëlqejnë kombinimet më të guximshme, zgjidhni një triko me ngjyrë më të theksuar. Mëngët dhe jakorja që dalin nën triko i japin pamjes një prekje të hijshme, ndërsa ngjyra e çelët e këmishës thyen tonet e errëta të vjeshtës.
Për një pamje më elegante dhe zyrtare, këmishën e kaltër mund ta kombinoni me xhaketa klasike në ngjyrë blu të errët, gri apo bordo, duke krijuar një pamje profesionale, por të freskët.
Kjo këmishë shkon po aq mirë edhe me veshje dimërore prej xhinsi apo lëkure. Për shembull, kombinimi i saj me pantallona të zeza të ngushta dhe një mantel ose xhaketë lëkure jep një pamje urbane dhe bashkëkohore. Shtoni këpucë ose çizme në ngjyra neutrale dhe do të keni një veshje të përshtatshme si për shëtitje në qytet, ashtu edhe për një takim pune joformal.
Për raste më të lira, këmishën e kaltër mund ta mbani të hapur mbi një golf apo triko të hollë, me xhinse ose pantallona të rehatshme. Ky kombinim sjell lëvizshmëri dhe stil, ndërsa shtresimi është thelbësor në vjeshtë dhe dimër, sepse ofron njëkohësisht ngrohtësi dhe elegancë.
Mos harroni stolitë dhe shtesat e modës, një shall me ngjyrë të kundërt ose një çantë tërheqëse mund të gjallërojë menjëherë pamjen. Një ide tjetër është ta kombinoni këmishën e kaltër me fund ose pantallona prej stofi, tvidi apo leshi në ngjyra neutrale ose tokësore. Ky kombinim sjell freski dhe finesë në veshjet klasike të stinës, por të sofistikuar, transmeton Telegrafi.
Këmisha e kaltër dhe aksesorët
Mos ngurroni të luani me aksesorët. Bizhuteritë në ar ose argjend, rripat në ngjyra më të errëta apo çizmet e gjata mund ta shndërrojnë këmishën e thjeshtë të kaltër në një pjesë me karakter të fortë dhe stil të veçantë.
Ngjyra e kaltër përputhet shumë mirë edhe me pëlhura me motive, vija të holla, katrorë apo vizatime të vogla minimaliste në pjesët e poshtme të veshjes i japin një prekje moderne tërë ansamblit.
Pra, këmisha e kaltër nuk është vetëm klasik veror. Me kombinime të menduara mirë, shtresim të zgjuar dhe përzgjedhje të kujdesshme të aksesorëve, ajo mund të bëhet pjesë kryesore e gardërobës suaj edhe gjatë stinëve të ftohta. Ngjyra e saj e çelët sjell freski, thyen monotoninë dimërore dhe i jep çdo pamjeje hijeshi dhe finesë.
Qoftë për stil zyrtar klasik, pamje urbane të përditshme, apo elegancë femërore, këmisha e kaltër është aleate e sigurt për vjeshtë dhe dimër. /Telegrafi/
