Ngjashmëria e madhe e hiper-makinës së re nga McLaren me modelin Senna

Fotografitë e shpërndara në internet, e shfaqin McLaren Vision GT shumë më herët se të prezantohet zyrtarisht

Hiper-makina Senna, është më ekstremja që McLaren e ka krijuar deri më tani, por kjo do të ndryshojë, transmeton Telegrafi.

Më 2017, ishte prezantuar koncepti i Vision GT, ndërsa është mësuar se do të hyjë në prodhim, derisa nuk do të lansohen në më shumë se pesë njësi.

Se si do të duket, apo pamja që do të ketë nuk është bërë e ditur zyrtarisht, por në bazë të fotografive të shpërndara në internet, shohim dukjen që do të ketë kjo makinë.

Imazhet e postuara në llogarinë Supercarpress në Instagram, e shfaqin këtë makinë  që ka ngjashmëri shumë të madhe me modelin Senna, shumë më parë se që pritej. Kjo hiper-makinë, thuhet që është punuar special për një klient, që e ka porositur.

Bashke me imazhet që ia tregojnë dizajnin, është edhe një tjetër ku Vision GT shfaqet i kamufluar, duke u testuar në rrugë.

Nëpërmjet Vision GT, McLaren do të rivalizojë me Aston Martin Valkyrie dhe Mercedes-AMG One, si një makinë me stil shumë të mirë. /Telegrafi/