Sport Futboll Ndërkombëtare

Nga Shaqiri te Balotelli dhe Salah – shtatë përplasjet që pati Klopp me futbollistët e tij

Para 7 muajve

Jurgen Klopp dhe Mohamed Salah janë përplasur në fundin e ndeshjes me West Ham United, teksa Liverpooli nuk arriti më shumë se një barazim 2-2.

Megjithatë dyshja nuk kanë treguar arsyet e kësaj përplasje, por për Jurgen Kloppin kjo nuk është hera e parë që përplaset me futbollistët e tij.

Që nga momenti që ka marrë drejtimin e Liverpoolit, Klopp ka pasur shtatë raste kur është përplasur me futbollistët e tij.

Përplasja e parë ishte me mbrojtësin francez Mamadou Sakho, të cilin e kishte lojtar të preferuar në sezonin e tij të parë në Anfield.

Megjithatë pasi Sakho vonohej në stërvitje, Klopp e largoi francezin nga turneu parasezonal në SHBA dhe e largoi nga Liverpooli.

“Ai humbi nisjen e aeroplanit, ai humbi një seancë dhe më pas u vonua për një vakt. Më duhet të ndërtoj një grup këtu, duhet të filloj përsëri, kështu që mendova se ndoshta kishte kuptim që ai fluturoi në shtëpi në Liverpool”, kishte deklaruar Klopp në atë kohë për mbrojtësin francez.

Lojtari i dytë që Klopp kishte përplasje ishte serbi Lazar Markovic të cilin e largoi nga Anfield. Pas ardhjes së Klopp te Liverpooli, Markovic ishte pjesë e klubit dhe gjermani e largoi pasi serbi nuk kishte se çfarë t’i dhënte më shumë klubit.

Pasi shkoi te Anderlecht dy vite më vonë, Markovic kishte thënë se nuk e ka pasur trajtimin e duhur nga gjermani.

Mario Balotelli është një tjetër futbollist me të cilin Klopp kishte pasur përplasje, por te rasti i italianit nuk ishte e papritur.

Italiani i djallëzuar nuk ishte kurrë në krye të planeve të Klopp në Liverpool dhe pasi u la jashtë turneut parasezonal të Liverpool në Shtetet e Bashkuara, pati vetëm një rezultat realist.

Balotelli më vonë mbështeti veten dhe vendimin e tij për të lëvizur diku tjetër , duke i shtuar benzinë zjarrit duke pretenduar se në takimin e tyre të radhës, ai e bëri shumë të qartë se nuk do të kthehej pa një garanci për minutat në fushë.

Një emër të cilin Klopp kishte debat ishte ish-mesfushori turk Nuri Sahin, me të cilin kishte punuar edhe te Borussia Dortmund.

Xherdan Shaqiri ishte një nga lojtarët me të cilët Klopp kishte mosmarrëvehsje te Liverpooli. Ishte një moment kur Klopp kishte një debat në fushë me Xherdan Shaqirin pas eliminimit nga Kupa e Ligës nga Chelsea në vitin 2018. Pas përfundimit të ndeshjes, Klopp dhe Shaqiri patën një përplasje verbale në fushë, derisa gjermani pas ndeshjes tregoi arsyen e kësaj.

“Unë fola për një goditje dënimi të fundit. Salah po qëndronte gjerësisht dhe një grup i tërë lojtarësh ishin në një drejtim ku ne gjuajtëm topin. Nëse ai mund të kishte luajtur me Salah në një situatë një në një në minutën e fundit të lojës, nuk do të kishte qenë shumë keq. Bëhej fjalë vetëm për goditjen e lirë, asgjë tjetër”, kishte deklaruar Klopp.

Emri i fundit me të cilin Klopp kishte përplasje ishte ai Jordan Ibe. Anglezi konsiderohej si Raheem Sterling i ardhshëm në, Ibe nuk kishte hapësira te Klopp dhe ai u largua për te Bournemouth.

Pasi kaloi te skuadra angleze, Ibe goditi gjermanin në distancë duke thënë se klubi i tij i ri Bournemouth luan një futboll të mirë si me Brendan Rodgers, derisa goditi Kloppin në distancë. /Telegrafi/