Nga mbledhja e Këshillit ekonomiko-social: Kërkesat e sindikatave në pjesën më të madhe do të përfshihen në Ligjin e ri për marrëdhënie pune

Me rastin e Ditës Ndërkombëtare të Punës në Qeverinë e Republikës së Maqedonisë u mbajt mbledhja e Këshillit ekonomiko-social ku sindikatat dhe punëdhënësit i theksuan kërkesat e tyre deri te ekipi ekonomik i Qeverisë.

Siç njoftojnë nga shërbimi qeveritar për shtyp, kryeministri Zaev në mbledhje bëri thirrje të ketë më shumë mbledhje mes sindikatave, punëdhënësve dhe institucioneve me qëllim që të krijohet më shumë produktivitet dhe konkurrencë që do të thotë më shumë zhvillim për ekonominë e Maqedonisë, njofton Telegrafi Maqedoni.

“Dialogu mes shtetit, punëtorëve dhe punëdhënësve është në procesin e krijimit të shoqërisë solidare ku do të ketë përparim ekonomik të dukshëm dhe që ndihet nga të gjithë. Për kompanitë kjo do të thotë përfitim më shumë nëpërmjet rritjes së prodhimtarisë, tregtisë apo eksportit, për punëtorët paga më të larta, respektim të të drejtave të punëtorëve, kushte për përparim në karrierë dhe vende të reja të punës. Shteti është ai që nëpërmjet politikave socio-ekonomike duhet të krijojë kushte dhe të zhvillojë klimën biznore që të ndihen ndryshimet gjithkund”, tha kryeministri Zaev.

Ministrja e Punës dhe Politikës Sociale Mila Carovska e cila kryesonte me këshillin theksoi se kjo Qeveri socialdemokrate kujdeset për të drejtat e punëtorëve dhe se për këtë arsye përgatitet Ligji i ri për marrëdhënie pune.

“Ne si Qeveri që dëshiron ta dëgjojë zërin e sindikatave dhe organizatave dhe që mendimi është i rëndësishëm për ne, bëmë ndryshime dhe mundësuam pjesëmarrje aktive në Këshillin ekonomiko-social të të gjithë sindikatave pa dallim nëse janë anëtarë apo jo. Gjithashtu do të dëshiroja të potencoj se pjesa më e madhe e kërkesave që sot i adresoi LSM-ja do të përfshihen në Ligjin për marrëdhënie pune”, tha Carovski.

Lexo po ashtu Sindikalistët dhe punëtorët me marsh protestues kërkuan rritjen e pagës minimale në 13.800 denarë

Përfaqësuesit e Lidhjes së Sindikatave të Maqedonisë theksuan se ky vit kanë kthyer traditën dhe me marsh protestues kanë treguar kërkesat e tyre që janë në rritjen e pagave të punëtorëve dhe avancim të të drejtave të punëtorëve./Telegrafi/