LAJMI I FUNDIT:

Nga dyqani në muze, në një lokal në SHBA shiten gjërat që humbin në aeroport

Nga dyqani në muze, në një lokal në SHBA shiten gjërat që humbin në aeroport

Rreth tre orë vozitje me veturë nga aeroporti më i ngarkuar në botë, në Atlanta, ndodhet një dyqan i quajtur ” Unclaimed Baggage” që shet gjëra që kanë mbetur ose harruar në aeroport.

Pronarit i erdhi në kokë ideja për këtë lloj biznesi më shumë se gjysmë shekulli më parë, madje sot ka një muze brenda dyqanit ku mbahen gjetjet më interesante, transmeton Telegrafi.

A keni menduar ndonjëherë se çfarë ndodh me bagazhet që humbin gjatë udhëtimit, që pronarët nuk vijnë kurrë për t’i marrë dhe që qëndrojnë me muaj në një cep të aeroportit? Në fund të fundit, ato përfundojnë ose në riciklim ose në një nga dyqanet lokale.

Një dyqan në Scottsboro, Alabama, është sot sinonim i shansit të dytë për bagazhin e humbur dhe shumë artikuj të shitur atje janë dukshëm më të lirë se në dyqanet e zakonshme, edhe nëse janë krejt të reja, të pahapura.

Doyle Owens e shfaqi idenë për këtë biznes në vitin 1970, kur pa një reklamë interesante në një ankand: një paletë e tërë valixhesh për të cilat pronarët nuk erdhën kurrë, shitej për 300 dollarë.

Pa asgjë për të humbur veç 300 dollarë, Owens mori hua një furgon dhe u nis nga Alabama në Uashington, DC, në stacionin lokal të autobusëve.

Pasi shpaketoi të gjitha bagazhet e blera, Doyle organizoi një shitje pikërisht në oborrin e shtëpisë që merrte me qira në atë kohë dhe përgjigja e banorëve të Alabamës, ku ai jetonte, ishte fantastike. Me mbështetjen e familjes, ai la punën në një kompani sigurimesh dhe u fut në ujërat e sipërmarrjes.

Pak nga pak, Doyle e zgjeroi biznesin, kështu që së shpejti, përveç transportuesve të autobusëve, linjat ajrore u bënë edhe furnizues të rregullt të bagazheve të humbura.

Biznesi lulëzoi gjithnjë e më shumë dhe së shpejti e gjithë familja filloi ta ndihmonte Owensin. Kështu, ” Unclaimed Baggage” u bë dyqani i vetëm në vend ku mund të blini gjërat e humbura gjatë udhëtimit. /Telegrafi/


Në trend Fun

Më shumë
Çakalli zbret në mes të Tiranës, kapet në shkallët e Teatrit të Operas dhe Baletit

Çakalli zbret në mes të Tiranës, kapet në shkallët e Teatrit të Operas dhe Baletit

Fun
Nëna mendonte se vajza e saj kishte fuqi të mbinatyrshme: Me këtë truk të thjeshtë, edhe ju mund t'i mahnitni njerëzit

Nëna mendonte se vajza e saj kishte fuqi të mbinatyrshme: Me këtë truk të thjeshtë, edhe ju mund t'i mahnitni njerëzit

Fun
Problemi matematikor i amerikanes 6-vjeçe që hutoi njerëzit në internet

Problemi matematikor i amerikanes 6-vjeçe që hutoi njerëzit në internet

Interesante
Vajza gjashtëmujashe provon avokadon për herë të parë, shikoni reagimin e saj

Vajza gjashtëmujashe provon avokadon për herë të parë, shikoni reagimin e saj

Fun
Njerëzit u shokuan me të kuptuar domethënien e këtij simboli në shishen e shamponit - a e keni ditur?

Njerëzit u shokuan me të kuptuar domethënien e këtij simboli në shishen e shamponit - a e keni ditur?

Interesante
Libri i Rekordeve Guinness: 10 rekordet më të çuditshme

Libri i Rekordeve Guinness: 10 rekordet më të çuditshme

Fun
Kalo në kategori