Nga diabeti deri te kanceri… pse duhet të brengoseni nëse zgjoheni gjatë natës

Thuajse gjithsecili person ka pasur kualitet të dobët të gjumit kur është zgjuar në mes të natës.

Për shumicën, zakonisht nuk ka pse të brengoseni sepse shkaktari shpeshherë është alkooli apo konsumimi i kafesë gjatë natës, transmeton Telegrafi.

Sidoqoftë, nëse rregullisht zgjoheni në mes të natës, atëherë kjo mund të jetë shenjë serioze e shëndetit mendor, diabetit apo kancerit.

Më poshtë i keni disa prej shkaktarëve që ndikojnë të zgjoheni natën.

Diabeti

Nëse keni probleme me gjumë, atëherë kjo është shenjë se keni tip 2 të diabetit.

Sëmundja është kur nivelet e sheqerit në gjak janë shumë të larta dhe pastaj kjo ka ndikim të madh në gjumë.

Ankthi dhe depresioni

Ata që vuajnë nga ankthi dhe depresioni shpeshherë e kanë të vështirë të flenë.

Për këtë problem, ekspertët rekomandojnë medikamente.

Kanceri

Lodhja dhe problemet me gjumë mund të jenë shenja të hershme edhe të kancerit.

Kjo mund të jetë për shkak se kanceri është në palcën e eshtrave dhe kjo e ngadalëson prodhimin e qelizave të kuqe të gjakut, duke shkaktuar anemi.

Disa kancere gjithashtu prodhojnë substanca toksike të cilat i ndalojnë qelizat të prodhojnë kimikale në trup, si kaliumi dhe kalciumi.

Këto kimikale janë të rëndësishme për t’i mbajtur në funksion muskujt dhe zemrën.

Nëse nivelet e kalciumit dhe kaliumit janë të ulëta, atëherë ju mund të ndiheni të përgjumur dhe të lodhur.

Apnea e gjumit

Kjo është prej shkaktarëve më të zakonshëm se përse njerëzit zgjohen në mes të natës.

Djersitja gjatë natës, dhimbja e kokës në mëngjes, shtypja e lartë e gjakut dhe libido e zvogëluar janë shenja se vuani nga kjo sëmundje.

Pirja e duhanit

Pirja e duhanit mund të jetë një prej arsyeve se përse nuk mund të flini gjatë natës.

Urinimi

Një prej shkaktarëve më të mëdhenj të problemeve me gjumë është edhe nevoja për ta përdorur tualetin në mes të natës.

Kjo zakonisht ndodh kur pini shumë para se të flini. /Telegrafi/