Neymar ndahet nga Bruna Biancardi një muaj pasi mirëpritën fëmijën e tyre të parë bashkë

Neymar dhe e dashura e tij Bruna Biancardi janë ndarë zyrtarisht vetëm një muaj pasi mirëpritën fëmijën e tyre të parë së bashku.

Futbollisti, 31 vjeç dhe influencerja, 29-vjeçare, njoftuan lindjen e vajzës Mavie më 7 tetor, duke thënë se i porsalinduri i tyre ‘erdhi për të kompletuar jetën tonë’.

Ndarja e tyre vjen pas spekulimeve gjatë javëve të fundit se ata nuk janë më bashkë, mes thashethemeve se Neymar ishte jobesnik.

Duke postuar në Instagramin e saj, Biancardi e konfirmoi lajmin teksa tha: “Kjo është një çështje private, por duke qenë se shpesh shoqërohem me lajme, dyshime dhe shaka, dua t’ju bëj me dije se nuk jam në një lidhje”.

“Ne jemi prindërit e Mavie dhe kjo është arsyeja e marrëdhënies sonë. Shpresoj se nuk do të më lidhni më me lajmet kaq shpesh. Faleminderit”, tha ajo, shkruan DailyMail.

Neymar ishte përballur me akuza për tradhti ndaj Biancardit në kohët e fundit me pamjet komprometuese të shfaqura në fillim të këtij viti, ku ai po festonte me dy gra të ndryshme në një klub nate spanjoll.

Në fakt, një raport në BILD madje pretendonte se dyshja kishin një kontratë të çuditshme që i lejonte Neymar të flirtonte dhe të flinte me gra të tjera.

Akoma më e çuditshmja, kishte kushte specifike për kontratën. Kjo përfshinte se braziliani nuk lejohej të puthte gratë në gojë, duhej të përdorte prezervativ gjatë seksit dhe se marrëdhënia duhet të qëndronte e fshehtë.

Ekzistojnë gjithashtu pretendime se ai i kërkoi yllit brazilian të OnlyFans, Aline Farias, foto ‘nudo’, Farias raportohet se publikoi pamje nga biseda e saj me Neymar.

Ndërkohë, në qershor ai u ndoq nga akuza të mëtejshme për pabesi me influencuesen Fernanda Campos, duke e shtyrë atë të postonte një kërkim falje ndaj Biancardit në mediat sociale.

Neymar – i cili gjithashtu ka një djalë nga një lidhje e mëparshme me influencuesen braziliane Carolina Dantas – ishte me Biancardi që nga viti 2021.

Lexo po ashtu Të gjitha lajmet nga Neymar

Ata e mbajtën romancën e tyre private përpara se të zyrtarizoheshin në Instagram në janar 2022. Megjithatë, ata njoftuan fundin e lidhjes në gusht 2022, përpara se ta rindeznin atë menjëherë pas kësaj.

Ndarja vjen në një kohë të vështirë në fushë për Neymar. 31-vjeçari përfundoi një transferim prej 78 milionë funtesh në skuadrën e Arabisë Saudite Al-Hilal në gusht nga PSG , duke nënshkruar një marrëveshje dyvjeçare me vlerë 130 milionë funte për sezon.

Megjithatë, muajin e kaluar ai pësoi një dëmtim të rëndë në gju ndërsa luante për Brazilin në humbjen 2-0 ndaj Uruguait në kualifikueset e Kupës së Botës. Neymar do të humbasë pjesën tjetër të sezonit pas këputjes së ligamentit. /Telegrafi/